提起蕃茄湯，唔知大家最鍾意邊間呢？以前Raven成日幫襯蕃滿門，不過佢哋間間分店味道都有啲分別，九龍灣E-Max嗰間仲因為雞蛋出事添。另一間專做蕃茄湯嘅就係番茄師兄，佢哋嘅蕃茄湯做法同今次同大家介紹嘅蕃茄仔都好唔同，雖然兩間個湯嘅色都好似，但係蕃茄仔個湯質感更加濃厚，味道偏酸，好值得大家試下！
蕃茄仔 推介：炭烤風味雞扒
每一碗自家鮮茄濃湯都會有一大堆蔥花同乾蔥，仲有一塊葉 (利申唔知叫咩名)。湯底亦會見到好多蕃茄蓉，所以食落其實都幾creamy。另外大家就可以揀番鍾意嘅配料同麵底，詳細可以睇番下面嘅餐牌。而上面呢塊炭烤風味雞扒味道幾香得嚟又唔會太鹹，味道唔錯，而且啲肉質仲幾嫩。
蕃茄仔 推介：豬扒
而上面呢塊就係秘製豬扒同豚肉片，塊豬扒好味之餘，食落仲有肉汁咁，好值得大家試下！而豚肉片就比較普通。
蕃茄仔 餐牌
比起另外幾間蕃茄湯嘅餐廳，蕃茄仔嘅價錢唔算平，但係考慮到佢嘅茄湯特別之處，其實都好值得大家試下。另外提下大家佢哋都有得儲Mee積分㗎！另外都可以Follow佢哋Facebook留意最新消息。
↓撳個廣告可以支持大兄台繼續寫作↓
蕃茄仔 地址
喺德福二期行落去真係好多值得去嘅小店，有享樂烘焙、光榮、時代、大渣哥、木衛二等等，如果多人嘅話，大家都可以支持一下其他小店㗎。