喺北角和富薈地庫嘅野草 Weeds Gelato & Coffee有間痴線雪糕店冇人講！雪糕店賣天然人工製嘅意式雪糕，味道好呢啲好基本吖！但係佢哋鋪頭個裝修靚到連男仔都想去打卡，你竟然仲未去過？仲要細細聲話你知，如果你鍾意食芫茜，佢哋痴線到有青BB嘅芫茜牛奶雪糕，飲落仲有渣㗎><。除咗食雪糕，打卡都係嚟呢度嘅一個原因，但係點解影相嗰陣咁易就可以影到一張零破綻零路人攝鏡嘅相㗎，因為人流唔多呀！香港人365日都食雪糕，你你你仲唔快啲去試吓！
搵黃店記得用：檸檬地圖 Lemon Map
建議睇埋：終極黃藍地圖最新出品：檸檬地圖-同路人立即Bookmark
超好味手工製意式雪糕
左：鮮薑肉桂蘋果 右：成棵莞茜牛奶 
左：鮮薑肉桂蘋果 右：成棵莞茜牛奶
香港人為咗食啲名牌雪糕甘心喺個商場度排咁耐隊，都竟然唔嚟試吓真係好食嘅雪糕。野草嘅雪糕全部都人手整，味道款式都有好多可以揀，詳情睇番下面嘅Menu。今次叫咗兩份雪糕，一份係鮮薑肉桂蘋果、一份係成棵莞茜牛奶。首先講吓鮮薑肉桂蘋果雪糕，3款主要材料嘅味道都可以好容易食得出，整體都好香好濃，肉桂味唔會太重，所以薑同蘋果味都保留到，整體都好天然。而雪糕個質感層次比較多，入面仲有薑渣，真係真材實料㗎！跟住嚟料係成棵莞茜牛奶雪糕，鍾意食莞茜嘅朋友你一定要試，甜品嘅莞茜可能唔係好多地方有得試，而呢度整嘅雪糕除咗味道好香之外，配埋牛奶令到整體口感同味道提升，質地因為有唔少莞茜渣，所以會食到一絲絲莞茜，真心推介！
↓撳個廣告可以支持大兄台繼續寫作↓
打卡位夠多夠Colorful
鋪頭起碼有4個打卡位畀食客一邊食雪糕一邊影相，無論影人定影雪糕都可以有唔同背景，但係小店好似唔多人識，希望大家試完覺得好味可以Share畀朋友知。
餐牌Menu
除咗雪糕之外，野草都仲有Panini、Bagle、蛋糕同咖啡，所以唔係淨係雪糕㗎！
野草 地址
鋪頭喺B50號舖，可能要花少少時間去搵，因為商場啲鋪頭分佈有啲亂。