阿叔泰麵 一碗唔夠食夠兩碗 食晒豬同牛囉 10

大圍黃店:阿叔泰麵-一碗唔夠食夠兩碗-食晒豬同牛囉

講起食泰國菜,除咗炒PhadThai、冬陰功、蝦刺生之外,船麵都係一款幾傳統嘅泰國食物,而暫時香港專食船麵嘅黃店,除咗之前介紹過嘅「船皇」,今次食嘅另一間黃店:「阿叔泰麵」喺大圍同元朗國都有分店,食物味道都好好,好值得大家去試!呢度嘅船麵湯底全部用牛骨熬製,而呢度有一碗特色船麵:粉紅船麵,湯底用上紅腐乳豬骨湯,相信味道會好特別!食完船麵,飲杯泰國特飲,之後記得食多個芒果糯米飯先走呀!

↓撳個廣告可以支持大兄台繼續寫作↓

另一間船麵店-船皇(尖沙咀、銅鑼灣都有分店):銅鑼灣黃店:香港都食到好味船麵-船皇

阿叔泰麵:船麵湯底夠香濃

阿叔泰麵:牛肉船麵
阿叔泰麵:牛肉船麵
阿叔泰麵:豬肉船麵
阿叔泰麵:豬肉船麵

今次同女朋友一人一碗船麵,一碗係牛肉,另一碗係豬肉。可以睇到兩碗都有通菜、芽菜、炸豬皮、花生碎。牛肉船麵就會跟番牛肉丸同牛腩,啲牛腩炆到好軟熟,完全唔會乾同硬,而且入晒味超正!豬肉船麵就跟番豬肉丸同豬肉片,豬肉片味道唔算突出,但豬肉丸就真係唔錯!好似要去到食泰國嘢先有好味豬肉丸咁…

點食船麵先至最好味?

阿叔泰麵:點食先好味
阿叔泰麵:點食先好味

小店枱面都貼咗一張教學,教大家點食船麵先最好味!首先每張枱都有齊晒4款調味料:魚露、白糖、白醋、辣椒粉,大家可以跟據番自己嘅喜好,每樣都加入去個船麵湯底!四大調味,缺一不可!

阿叔泰麵:建議食法
阿叔泰麵:建議食法

將啲調味放晒入去,大概就係圖上面咁嘅樣喇!

阿叔泰麵:特飲都唔錯

阿叔泰麵:飲品
阿叔泰麵:泰式檸檬茶(左)、香茅菠蘿特飲(右)

左邊啡色嘅係泰式檸檬茶,入面泰式嘅茶底有種特別嘅香料味,飲慣港式檸檬茶嘅朋友就可能會有少少唔慣。右邊黃色嘅係香茅菠蘿特飲,味道幾香,香茅味都幾突出。

飯後梗係要食埋:芒果糯米飯

阿叔泰麵:芒果糯米飯
阿叔泰麵:芒果糯米飯

如果食一碗船麵唔夠飽,除咗食多碗之外,其實可以叫番個甜品:芒果糯米飯。呢度嘅芒果糯米飯,糯米飯已經加熱咗,味道係好香濃嘅椰汁味,仲有少少香葉味。芒果就係雪凍咗,上面淋咗椰漿/椰奶嚟調味。總係覺得食埋芒果糯米飯,成餐飯先夠完滿。

阿叔泰麵:餐牌

阿叔泰麵:餐牌
阿叔泰麵:餐牌

除咗船麵之外,呢度仲有豬手飯、豬頸肉飯,同其他泰國菜嘅菜式,如果想試其他食物都可以㗎!

阿叔泰麵(大圍) 地址

↓撳個廣告可以支持大兄台繼續寫作↓