將軍澳黃店:大茶飯

將軍澳黃店:大茶飯-台灣菜小店有台式火鍋

入得大商場都預咗少黃店,點知將軍澳中心+PopCorn+將軍澳廣場3個咁大個商場連值得行嘅鋪頭都少之有少,而餐廳方面都當然唔多啦,今次食嘅大茶飯係其中一間黃店,佢主要係食台灣菜,見到晚市2人套餐都係港幣$208,唔貴喎!所以一支公就行咗入去食佢個台式火鍋(同上一句完全冇關係),價錢唔算平,味道亦都有進步空間。果然要做好火鍋,除咗個爐之外,個湯底都緊要!

↓撳個廣告可以支持大兄台繼續寫作↓

大茶飯:湯底需要改進

今次叫咗個蕃茄湯底火鍋,湯入面有支竹、蕃茄、白蘿蔔,其他配料係豬肉、烏冬、金菇、冬菇、秀珍菇、木耳、蜂巢豆腐,而我就加咗一份$14嘅A菜。首先湯底冇咩蕃茄味…果然蕃茄師兄個湯底唔簡單。其他配料味道都正常水平,而份A菜比想像中抵食,估唔到咁大份!另外,我仲叫咗一杯形珠奶茶,味道都OK!

大茶飯 地址

↓撳個廣告可以支持大兄台繼續寫作↓