尖沙咀黃店:嘉寶漢堡 – 街坊名物高質平價Burger

尖沙咀黃店 嘉寶漢堡 換大咗鋪位味道依然高水準 1

講到尖沙咀有咩排隊名店,就梗係嘉寶漢堡啦!之前舊鋪已經門口排滿人,早排搬咗新鋪終於有機會再去朝聖食burger!而家餐廳大咗好多,座位都算多,而且都好乾淨,入去坐低食變咗做享受!講番呢度嘅漢堡包先,牛、豬、羊、雞、海鮮、同素漢堡都有,啲burger加埋有成20款,想試晒咁多款都唔易,但總有兩三款可以滿足到鍾意burger嘅你!仲有呢度啲小食都好正,薯格、炸燒賣、雞翼都好好味,而且呢度啲價錢超抵,可以話係CP值極高!

↓撳個廣告可以支持大兄台繼續寫作↓

一齊睇番舊鋪分享:尖沙咀黃店_超人氣排隊店_嘉寶漢堡_超多肉汁勁Juicy

其他Burger黃店推介:

荃灣黃店:轉角見-又係好味漢堡包推介呀

沙田黃店:SUPINE-特色漢堡好味CP值超高!

屯門黃店:威威美食 – 足料手打漢堡包

嘉寶漢堡:人氣Burger多款足料CP值極高

嘉寶漢堡: 蜜糖芥末菠蘿豬堡
嘉寶漢堡: 蜜糖芥末菠蘿豬堡

可能有好多朋友都唔食牛,但係喺嘉寶漢堡就完全唔洗擔心,因為牛肉burger之外其實有好多選擇。就好似呢個蜜糖芥末菠蘿豬堡咁,食落去好juicy同fresh,完全唔會有油膩感。

嘉寶漢堡: 香辣煙肉蘑菇芝士牛堡
嘉寶漢堡: 香辣煙肉蘑菇芝士牛堡

而鍾意牛嘅朋友,呢度最多款揀嘅就係牛肉burger,有經典款亦都有啲超多肉配搭,一切都睇你嘅喜好。如果真係覺得餡唔夠多,係可以再逐樣加錢咁加入去。但係就咁已經係好大好足料㗎喇!

嘉寶連小食都好食又抵食

嘉寶漢堡: 雞翼
嘉寶漢堡: 雞翼
嘉寶漢堡: 薯格
嘉寶漢堡: 薯格
嘉寶漢堡: 炸燒賣
嘉寶漢堡: 炸燒賣

之前食過已經過得薯格好好味,就算嚟到新鋪個味道仲係呢個水準,今次仲叫咗炸燒賣同雞翼。以只係加$15就有嘅小食+飲品,小食嘅份量真係好夠,尤其係炸燒賣,出面可能$15蚊都係得5粒完全唔夠喉,但係呢度同一個價錢,燒賣又多過人,仲要有汽水飲真係超抵食!

嘉寶漢堡 地址

↓撳個廣告可以支持大兄台繼續寫作↓