今次同大家分享一下喺尖沙咀食拉麵嘅黃店：鶴亀！第一次上佢哋Facebook Page 見到佢哋真係黃到金，而佢哋都開埋MeWe Page，大家可以Follow埋。鶴亀嘅店鋪位置算係近iSquare，小店細細，同一般拉麵鋪咁坐得都算舒服唔會迫，店員都好Nice好親切。食物方面，今次叫咗一碗辛辣豚骨拉麵、特濃豚骨沾麵、日式煎餃子、章魚小丸子，味道整體OK，唔算係好突出，但勝在小店定期課金去幫同路人，所以體驗係更高嘅。
辛辣豚骨拉麵
辛辣豚骨拉麵
以拉麵嘅選擇嚟計，總共有6款拉麵，分別係：海老帆立貝拉麵、櫻花蝦拉麵、辛辣豚骨拉麵、豚骨拉麵、鹽味雞湯拉麵、素食醬油麵。拉麵麵條可以揀軟硬度，配料可以揀番要唔要蔥/竹荀。湯底味道都幾香幾夠味，今次叫咗嘅辛辣豚骨拉麵揀中辛，辣度可以再辣少少。而叉燒足足有3大塊算係幾大方，唔會係啲腌咗好濃嘅味道。
特濃豚骨沾麵
特濃豚骨沾麵 
特濃豚骨沾麵
沾麵方面，我哋可以揀番麵條係凍/熱，今次係揀咗熱嘅。另外同拉麵一樣係可以揀番軟硬度，配料可以揀番要唔要蔥/竹荀。味道方面比起拉麵，沾麵湯係比較濃稠，杰身少少，所以湯都會比較掛身，味道都會比較濃。
其他拉麵店推介
九龍灣黃店：一生懸麵-值得一試嘅拉麵小店 一生懸麵Facebook
↓撳個廣告可以支持大兄台繼續寫作↓
銅鑼灣黃店-行到入大坑食超正拉麵-凪豚骨拉麵 Ramen Nagi (暫時未有門市) Ramen Nagi Facebook (仍然係Raven認為香港最好食拉麵店)
