屯門黃店_鬍鬚仔_組典牛堡 ($38) + 薯仔汽水 ($18)

屯門黃店:鬍鬚仔-屋邨商場都有好味漢堡包食

屯門本來都有幾間食Burger嘅黃店,但係開多間喺屋企附近點都好啲啦啱唔啱?鬍鬚仔喺友愛邨同安定邨中間嘅愛定商場,就算住市中心/置樂嘅朋友過嚟都好方便。小店鋪面都唔算細,坐滿人都有20個人㗎。而Burger方面全部即叫即做,款式又夠多,份量都好足,可以睇番文章入面嘅相片,想一口咬晒個包真係唔易,仲可能因為太多餡而食到倒瀉籮蟹咁,不過味道係唔錯嘅,下面食咗幾款最推薦係墨西哥脆辣雞堡四式芝士牛堡,幾有特色。

↓撳個廣告可以支持大兄台繼續寫作↓

其他漢堡包店推介:威威美食 (屯門) 嘉寶漢堡 (尖沙咀) 轉角見 (荃灣)

鬍鬚仔:足料burger抵食

講番啲漢堡包先,鬍鬚仔足足有12款唔同口味嘅Burger,大家有興趣可以去佢哋Facebook睇Menu,價錢由$30-50不等,加埋汽水同小食最貴都係加$22,以份量咁足嘅Burger嚟講真係唔錯。如果唔鍾意食牛嘅朋友更加可以試下佢哋幾款冇牛漢堡:照燒玉子雞堡、黑松露大啡菇堡、夏威夷堡。整體嚟講味道都係唔錯,唯一有意見係幾款漢堡食落都會太油,同埋太軟身。

鬍鬚仔 地址

↓撳個廣告可以支持大兄台繼續寫作↓