屯門黃店：EGGY-華都新開好味韓式多士店

屯門華都商場真係屯門人嘅福地，最近新開咗一間黃店由幾位年輕人主理，專賣韓式多士，每一份多士都係即叫即做，所以拎到上手每份都熱辣辣，多士用上嘅麵包就算烘過又脆又鬆軟，款式多達8款，總有一款啱口味，仲要真係好好味！如果你係蘋果新聞嘅客戶，仲可以Show番登記嗰一頁嚟減3蚊。

華都商場其他黃店餐廳：EGGY、轉角、水飯鏜、西麵、牛蓋、心思思美食店、東喜茶、堅韓燒、尖茶

華都商場其他黃店非餐廳：眼鏡巨人、泰 Ladies、執笠倉、EZ COAT、宏大通訊、YCT手機用品店、叢生森活、Pak Pak Park夾公仔店、Phonebox、星匯數碼

EGGY – 8款爆餡多士任君選擇

8款多士包括：煙肉泡菜芝士滑蛋吐司、豚肉泡菜芝士滑蛋吐司、漢堡芝士滑蛋吐司、香脆魚柳芝士滑蛋吐司、菠蘿蝦堡滑蛋吐司、牛油果芝士黑松露滑蛋吐司、煙鴨胸黑松露滑蛋吐司、炸軟殼蟹滑蛋吐司。每款即叫即做，仲會包裝得好靚咁送到客人手上，所以全個過程都十分滿足，加埋多士入面搽咗唔同嘅醬豐富咗味道。如果唔夠飽仲可以加小食/飲品，或者可以再幫襯同商場嘅唔同黃店啦！

EGGY 地址

由於Google Map仲未見到EGGY，所以大家去到華都商場，去1樓即係水飯鏜同轉角嗰一層，扶手電梯隔離就係EGGY喇。