今次同大家介紹嘅小店係喺屯門市廣場隔離華都商場嘅 轉角 White Court Cafe，早前內部裝修重開終於多番啲餐廳選擇。餐廳嘅食物選擇唔算好豐富，但係都有幾款蛋包飯、意粉、All Day Breakfast可以揀，仲有唔少芝士蛋糕款式。相信午餐、下午茶、晚餐都總有一款啱大家。
可以Follow佢哋Facebook留意最新update
屯門市廣場附近其他小店推介：牧羊少年咖啡館 (西餐) CHI Tachinomi (日式+串燒) EGGY (韓式多士)
轉角 推介一：咖哩蛋包飯
由裝修前到裝修後，Raven嚟轉角嘅首選都係蛋包飯，Menu上有3款蛋包飯：咖哩雜菜蛋包飯、咖哩吉列豬扒蛋包飯、咖哩漢堡扒蛋包飯，後面兩款我都食過，蛋嘅份量啱啱好包住啲飯，咖哩汁都好香濃，主食嘅豬扒同漢堡扒味道口感都唔錯！
↓撳個廣告可以支持大兄台繼續寫作↓
轉角 推介二：英式早餐
呢份英式早餐份量都好夠，炒蛋夠滑同多，牛角包可以夾埋煙肉同炒菇咁食，件薯餅入面係咖哩餡，整體味道都唔錯，係價錢稍為高咗少少。
轉角 其他食物選擇
如果唔想食咁飽，都可以過嚟叫份蛋糕加杯咖啡。
轉角 餐牌
大家可以望吓有咩啱食，有機會去支持一下小店。
