Little Fresh-旺角黃店-法式甜酒西班牙杜洛克豬肉眼扒配南瓜醬
Little Fresh-旺角黃店-法式甜酒西班牙杜洛克豬肉眼扒配南瓜醬

旺角黃店:Little Fresh Cafe&Bar-好味隱世cafe

旺角唔少嘅餐廳黃店都唔喺地面,當你發現樓上又唔同類型嘅黃店,又真係想有時間逐間試晒佢。今次去咗Little Fresh Cafe&Bar,個大廈門口唔係咁易搵到,係喺好似後巷嘅位置出入。餐廳細細,所以並唔可以招呼好多客人,而食物主要係比較西式嘅菜色,叫咗份兩份晚餐同一份西班牙海蝦蛋餅,味道唔錯幾有驚喜。餐廳店員都好有禮貌,感覺佢哋想營造高級餐廳嘅服務,會細心解釋餐湯同部份食品嘅食法。不過可惜係香港好多人食飯嘅時候都會唔經唔覺講嘢好大聲,喺咁細嘅環境入面咁嘈係有啲啲辛苦嘅。

↓撳個廣告可以支持大兄台繼續寫作↓

Little Fresh Cafe&Bar – CP值好高服務好好

今次食咗兩個Dinner Set分別係法式甜酒西班牙杜洛克豬肉眼扒配南瓜醬香草慢煮雞胸配迷迭香莎莎,塊豬扒好軟熟,豬肉味都好突出;而雞胸一啲都唔「鞋」口,亦都好軟腍腍,味道同口感都超越咗佢個價錢。而碟上嘅薯蓉加入咗少少粟米粒,多咗一層口感。而份西班牙海蝦蛋餅味道都唔錯,比較似係較濃味,又炒得好有火喉嘅蝦仁炒蛋。

Little Fresh Cafe&Bar 地址

↓撳個廣告可以支持大兄台繼續寫作↓