喺觀塘一眾工廈之中，每次食lunch經過都會畀呢度咁eye catching 嘅藍色外牆吸引咗，今日終於有機會一試。今次介紹畀大家嘅係The Hunt ＆ Coffee Roastery，地方都幾寬敞，坐得舒服之餘仲有落地大玻璃，店內店外嘅裝修絕對係打卡嘅好去處。之前一直都心思思都食呢度嘅Signature Tiramisu ，估唔到原來佢哋嘅主菜都一樣好味。
The Hunt ＆ Coffee Roastery：味道有驚喜又足料
點餐時有好幾款主菜都想試，最後我就點咗呢款海膽鵝肝意粉。意粉送到嚟，已經覺得賣相好靚。第一啖先試扁意粉，軟硬適中，係我鍾意食嘅意粉Type，而且仲配咗海膽汁同野莓汁，好食！本身都擔心海膽會腥，食落係完全無腥味，口感都幾Creamy。鵝肝都算幾大份，煎得好香，仲入口即融添！絕對係驚喜誠意之作！
嚟呢度又點少得嗌呢款甜品。首先賣相已經夠晒出色，而且份量都唔細㗎，幾個朋友share 都ok！
味道方面，咖啡味幾香，Cream 好滑好輕盈，手指餅唔會太淋。Tiramisu 上面有塊乾橙片裝飾，食落味道偏苦，我自己個人就麻麻，但朋友就覺得幾好味。總括嚟講，呢個Tiramisu 係值得一試。
↓撳個廣告可以支持大兄台繼續寫作↓
雖然食lunch嚟講，價錢唔算平，但餐廳環境、食物份量同質素就絕對對得住個價錢。
Happy Friday 過嚟食餐好，都唔過份吖！