Weekend嘅時候你哋鍾唔鍾意出去行市集呢？其中一個定時喺假期或者節日都搞市集嘅D2 Place，大家有冇好好行吓附近嘅荔枝角/長沙灣有咩黃店食呢？今次去咗平時勁長人龍但keep住都有人排隊嘅cafe：contrast！由於喺正路邊，餐廳外牆又係大玻璃窗，所以環境都好光猛；座位都隔得算開，有普通方型木餐枱之外，仲有啲圓枱仔，整體設計都好舒服。而食物同飲品質素亦都好有驚喜，特別想同大家介紹個酸種麵包！玩上Pama Ham同新鮮無花果，外表同味道都一流！
contrast: 無花果巴馬火腿忌廉芝士酸種包 HK$82
上面呢份Sourdough真係好出色，麵包有手板咁大塊，上面鋪滿咗沙律菜、巴馬火腿、新鮮無花果同埋忌廉芝士。味道因為有巴馬火腿同cream cheese嘅鹹味，所以好開胃，而無花果甜甜地就中和到個鹹味，加埋個麵包外皮勁脆，麵包硬身帶酸味，整體唔會覺得太鹹，好好味！
contrast: All Day Breakfast HK$102
All Day Breakfast有兩片竹炭多士、牛油果、炒蛋、兩條脆皮腸、烤大啡菇、沙律菜，份量都相當大。竹炭多士烘到邊位好脆，放啲炒蛋同牛油果上去夾埋一齊食超滿足！個大啡菇畀多士遮住影唔到，但都好大件，味道都唔錯。
↓撳個廣告可以支持大兄台繼續寫作↓
contrast: Honey Lime Soda /w local honey HK$50
contrast: Dirty HK$40
