長洲黃店:島中坊研 – 必點奄列餐飛碟餐

R0004471

今次為大家介紹第三間長洲嘅黃店係島中坊研,有一樣值得同大家分享下,佢哋唔只係cafe嚟,佢哋有一班設計師,會將產品放去長洲東灣嗰度嘅分店賣,有唔少衫褲袋,而餐廳同鋪頭都有消費儲印仔,可以去餐廳免費升級飲品或者換焦糖布丁,大家可以留意一下。而講番餐廳呢,啲食物雖然睇落簡單,但係味道其實真係唔錯,而且設計師得閒會整下蛋糕,如果遇著佢哋整咗特別嘅cake記得要試下!

↓撳個廣告可以支持大兄台繼續寫作↓

島中坊研網店連結Link

長洲其他黃店推介:

長洲黃店:Heima Heima – 日系cafe寧靜舒服

長洲黃店:陳通記 – 沙爹牛肉花生味超濃郁

長洲黃店:慢活瞬間長洲粒粒雪糕 – 食物全部即叫即煮仲有粒粒雪糕食

長洲黃店:長洲角酪 – 飲乳酪之餘可以幫襯寄賣黃店

島中坊研:看似簡單食落就知好味

島中坊研: 奄列餐
島中坊研: 奄列餐

呢度嘅食物種類唔算多,大概可以分番奄列套餐、牛角包/法包套餐、沙律套餐、飛碟套餐、All Day Breakfast、自家製比利時列日窩夫、甜品拼盤。而上面呢份奄列餐有好大件嘅奄列,配料揀咗芝士咸牛肉,仲有兩塊塗滿煉奶嘅多士,份量都好足,而大部份套餐都可以加錢配多個出前一丁/通心粉/珍珠白飯/沙律。

島中坊研: 飛碟餐
島中坊研: 飛碟餐

另外我哋仲叫咗飛碟套餐,講真而家真係越嚟越少地方食到飛碟。

島中坊研: 加$10可以配出前一丁
島中坊研: 加$10可以配出前一丁

因為一開始以為好肚餓,就加錢叫多碗出前一丁,點知食完先發覺太飽,冇得再叫多件蛋糕食…失策呀!

島中坊研: 記得要試糖漬水果梳打

島中坊研: 糖漬菠蘿疏打(左) 糖漬草莓疏打(右)
島中坊研: 糖漬菠蘿疏打(左) 糖漬草莓疏打(右)

店員自己做嘅糖漬水果梳打有幾個口味,配番泰國大象牌梳打夠晒氣,如果飲飲下唔夠甜,可以問店員幫你加多啲糖漬水果㗎!

島中坊研: 餐牌
島中坊研: 餐牌

雖然望落去食物真係唔多款,但係值得大家嚟試下!小店細細,室內座位唔多,但唔怕熱嘅朋友可以試下坐出去室外嘅座位,每張枱都有大大把風扇吹住㗎!

島中坊研餐廳 (樹下店) 地址

島中坊研鋪頭 (海灘店) 地址

↓撳個廣告可以支持大兄台繼續寫作↓