長洲黃店:陳通記 – 沙爹牛肉花生味超濃郁

R0004311

長洲第二間同大家分享嘅黃店係陳通記,位置喺長洲碼頭附近嘅熟食中心,千祈唔好打算行入街市呀,並唔喺街市入面㗎!陳通記就喺個熟食中心比較中間嘅位置,所以大家無論邊度行入去都要望清楚,仲有記得唔好行到隨便坐低,好有機會坐錯隔離鋪頭嘅位,最好搵店員畀個位你就最好!坐低記得叫碗沙爹鮮牛麵,兩餸三餸就悉隨尊便喇,聽講雞翼都係幾好味!呢度嘅沙爹湯好濃,聞落已經好香,食落仲會有啲花生碎,口感味道都一流!

↓撳個廣告可以支持大兄台繼續寫作↓

長洲其他黃店推介:

長洲黃店:Heima Heima – 日系cafe寧靜舒服

長洲黃店:島中坊研 – 必點奄列餐飛碟餐

長洲黃店:慢活瞬間長洲粒粒雪糕 – 食物全部即叫即煮仲有粒粒雪糕食

長洲黃店:長洲角酪 – 飲乳酪之餘可以幫襯寄賣黃店

陳通記:沙爹牛肉米通超正

陳通記:沙爹鮮牛肉米通
陳通記:沙爹鮮牛肉米通

今次叫咗呢碗沙爹鮮牛肉米通,鮮牛幾滑幾嫩,而且數量都唔少。但係最吸引都係個沙爹湯,大家記得要喺個底度攪勻嚟食,啲花生甜味就會滲晒去全碗湯,食米通有個好處係入面都會滲到湯汁。

陳通記:咸牛肉蛋多士
陳通記:咸牛肉蛋多士

另一款最鍾意食嘅就係蛋牛治烘底,而呢度有得揀番咸牛肉或者鮮牛,如果想有口感啲建議試下鮮牛,不過今次我哋叫嘅就係咸牛肉嚟。個蛋煎到包住晒咸牛肉,個蛋亦都煎到冇咗腥味,個口感都唔錯!

陳通記:凍奶茶+凍檸茶
陳通記:凍奶茶+凍檸茶

天氣咁熱,最後梗係要飲埋凍奶茶同凍檸茶先得!

陳通記:鋪面
陳通記:鋪面

大家如果要搵陳通記,認住呢個黃色招牌大大隻字寫住通記就啱㗎喇!記得拎位要問店員,唔好亂坐去隔離檔嘅位呀!

陳通記:餐牌
陳通記:餐牌

餐牌有少少朦,但係應該都睇到有咩料可以揀。如果唔食牛肉嘅朋友都可以加$5要沙爹,所以一定要試呀!

陳通記:枱面
陳通記:枱面

陳通記 (通記) 地址

↓撳個廣告可以支持大兄台繼續寫作↓