高雄台南自由行5日4夜行程分享(2019) Day 5

day5 1

好多時候去旅行最難諗行程就係回程嗰日,而喺高雄呢個相對慢活嘅城市,店鋪好多都晏晝先開門,究竟可以點樣好好用盡行程最後一日嘅時間呢?如果你一樣係買咗下午嘅機票番香港,咁下面介紹嘅相信會幫到好大忙,即刻睇吓高雄台南自由行5日4夜最後一日嘅行程先:

↓撳個廣告可以支持大兄台繼續寫作↓

民宿:時.間. -> 早餐: 食憇時代 -> 火星糖 -> 大魯閣 -> 高雄小港機場 ->回港

高雄台南自由行5日4夜 Day 1嘅行程 請到 ?這裡
高雄台南自由行5日4夜 Day 2嘅行程 請到 ?這裡
高雄台南自由行5日4夜 Day 3嘅行程 請到 ?這裡
高雄台南自由行5日4夜 Day 4嘅行程 請到 ?這裡
高雄台南自由行5日4夜 Day 5嘅行程 請到 ?這裡

高雄平民早餐店推介 ? 食憇時代

今次同大家介紹嘅早餐店「食憇時代」附近就有一間「光南大批發」,好適合大家食完早餐就去血拼!呢度食嘅係比較傳統嘅台式早餐,蛋餅都煙煙靭靭,味道都唔錯!唯一要彈嘅係蘿蔔糕唔算好好,都係普通粉粉哋嘅口感。

高雄特色又好味嘅手信 ? 火星糖

edited 4 1 e1563265842843

今次嘅行程唔知點解好似表現到高雄市相對台北同台中都唔易搵到食得嘅手信,喺網上面查咗好耐之後,發現原來高雄有間獨特手信叫「火星糖」。火星糖同鳥結糖有咩分別呢?火星糖自己都有出到個簡介畀大家睇,例如:火星糖只有一種口味,但係有各式各樣嘅包裝。火星糖煮法亦好唔同,食落唔會硬,同埋只此一家,當然都有分店同寄賣點嘅。

高雄機場旁嘅棒球擊球場 ? 大魯閣

高雄國際機場前一個站就係捷運草衙站,就係一個超大型娛樂場所「大魯閣」。入面除咗有購物同飲食嘅地方,最吸引嘅係佢有賽車場「鈴鹿賽道樂園」同「大魯閣棒壘球打擊場 草衙館」。因為距離機場距離相當近,好容易就時間,大家可以喺大魯閣自由選擇點消磨時間。上面相片入面有 棒壘球打擊場 收費,每個設施都係用代幣,可以唱最少金額嘅簡單試吓啱唔啱自己玩。

最後,2019年初夏嘅高雄台南5日4夜行程就分享晒,希望可以幫到大家計劃屬於自己嘅行程。

↓撳個廣告可以支持大兄台繼續寫作↓