Android App推介:Tachiyomi-開源兼多插件睇漫畫一流

Android App推介-Tachiyomi-開源兼多插件睇漫畫一流

之前同大家分享過買咗部Sony Xperia 10 III,Android系統比起iPhone真係多啲唔同嘢玩,網上面可以搵到好多實用而且開源嘅App下載,今次就同大家分享一下睇漫畫一定要裝嘅Android App: Tachiyomi,呢個App不但可以畀你透過安裝唔同嘅Plugins嚟搵到全世界嘅漫畫source之外,用戶仲可以自訂閱讀漫畫嘅介面同手勢,好多嘢都可以自己揀,下面再同大家逐一介紹。

↓撳個廣告可以支持大兄台繼續寫作↓

多個中英文漫畫Source

用戶第一次打開Tachiyomi嘅時候需要去畫面下方嘅「探索」,導入自己嘅漫畫,又或者可以去擴充套件嘅頁面入面搵一下唔同嘅漫畫Source,但係由於每個Source都係獨立一個Plugins,要安裝之後先知入面嘅內容,用戶就要自己試下喇。而安裝之後喺探索入面可以揀番已安裝嘅Plugins去睇入面嘅內容,或者直接去探宗頁面頂部嘅放大鏡去搜尋指定嘅漫畫,如果已安裝嘅Plugins入面有呢本漫畫,就會顯示出嚟。

自訂漫畫分類

如果收藏咗好多唔同類型嘅漫畫,想整理都可以透過開設唔同嘅「分類」嚟管理。喺Tachiyomi主畫面嘅右下方有「其他」,入面有一個「分類」嘅設定,入面可以新增唔同嘅分類,例如「運動」、「戰爭」等等。之後只要喺「書櫃」頁面長撳漫畫,就可以選擇最左嘅「選擇分類」,放入指定分類入面。

多種個人化設定

Tachiyomi提供多種個人化設定畀用戶可以喺睇漫畫嘅時候改變揭頁方式、螢幕色彩/亮度、背景顏色、Dark Mode等,而揭頁方式好值得一提,普遍嘅漫畫App都係提供左右揭頁,而Tachiyomi就可以揀Webtoon方式揭頁,即係下一頁內容會自動連住上一頁嘅底部顯示,所以實際使用同體驗會更加似上網,唔洗左右不停掃上一頁/下一頁。

下載Tachiyomi

官網下載

↓撳個廣告可以支持大兄台繼續寫作↓

GitHub下載

↓撳個廣告可以支持大兄台繼續寫作↓