銅鑼灣Ramen Nagi凪拉麵-可能係香港最好味嘅拉麵!
利申我本身唔係特別鍾意食拉麵，但係如果講香港最好味嘅拉麵店，我會推介銅鑼灣嘅 Ramen Nagi 凪拉麵，舖位喺銅鑼灣渣甸坊啲排檔附近，比起以前大坑舊鋪細少少，但係拉麵味道仍然咁好食！雖然部分店員冇再喺度做，但係每次去都會遇到香港最有禮貌最友善嘅店員！如果鍾意食拉麵一定要嚟試下! 17/1/23 更新：佢哋每日賣晒拉麵都會喺FB/IG出Story提醒顧客，唔想摸門釘記得Follow 佢哋嘅 Facebook 同 Instagram喇！ 2023年1月限定拉麵：蕃茄櫻花蝦拉麵 今次限定拉麵個蕃茄湯幾濃厚，帶少少蝦味之餘，拉麵上面仲有京蔥同牛小排，牛肉烤得超香超濃超軟熟，疊住牛肉嘅特粗拉麵仲會吸埋啲牛肉味超正！提提大家所有限定拉麵都冇得自訂湯嘅鹹度、濃厚度、拉麵硬度等，全部都會由廚師決定。…
銅鑼灣黃店：蘇媽蘇媽-超正宗超足料檳城叻沙
今次去咗一間裝修靚，食物味道又正嘅黃店：媽蘇媽馬來西亞茶餐廳。其實呢間食馬拉菜都好出名㗎喇，不過一直都冇耐性排隊等食，早排見到佢去咗銅鑼灣開新鋪，又唔洗等位所以就決定去試下喇！呢度食嘅叻沙係正宗檳城味道，同外面食到嘅新加坡喇沙完全唔同味！用沙甸魚肴嘅湯味道好特別，加埋鋪面嘅洋蔥、紫洋蔥、椰菜超多，完全顛覆我對喇沙嘅認知。冇得去馬來西亞旅行食好嘢，好彩留喺香港都有唔少良心餐廳用心服務大家，所以大家記得每餐都要去啱餐廳幫襯！ 想食新加坡喇沙可以去：沙田黃店：Mimila-新城市內馬拉菜黃店-有好味喇沙蝦子麵 原來檳城亞參叻沙味道係咁 得到嚟自馬來西亞嘅同事認證，呢碗蘇媽蘇媽嘅叻沙係正宗檳城味道，同其他鋪頭用蝦殼煮嘅湯底好唔同，檳城叻沙會用到沙甸魚嚟煮個湯，味道更加強烈，如果唔食魚嘅朋友可能會覺得有啲腥。而Topping有勁多洋蔥同紫洋蔥，所以食嘅時候可以令到魚味輕輕減低，而且口感都有一定提升。 仁噹牛肉撈麵咖央多士都好食 除咗喇沙好味，其他食物都唔錯，呢碗「仁噹牛肉撈麵」辣辣地又有椰味同甜甜地嘅「椰香咖央多士」都唔錯。下次可以試埋福建蝦麵同白咖哩麵，相信都會係好正宗嘅味道！ 馬來西亞飲品 同新加坡一樣美祿恐龍都係必叫，夠晒甜，啱晒肥仔飲用！另外白咖啡同咖啡都係一樣水準，唔錯。 而家蘇媽蘇媽除咗深水埗之外，其實荃灣、旺角，同Raven今次幫襯嘅銅鑼灣都有分店，想食正宗馬拉菜唔再係咁難啦！ 蘇媽蘇媽銅鑼灣分店 地址
銅鑼灣黃店_香港都食到好味船麵_船皇
香港有唔少鋪頭都有得食泰國船麵，但並唔係每一間Raven都會番轉頭再食過，而今次介紹嘅船皇 ，就係出銅鑼灣見一次入去一次食嘅船麵店。佢嘅湯底好濃郁除此之外仲有拌麵，有湯冇湯都有得揀，而且配料都好好味，加上佢嘅飲品係用上充滿特色嘅銀器碗仔裝住，所以會感覺喚然一新啲。睇番佢哋Facebook，原來尖沙咀同大埔都有分店，原來要食好味嘅船麵都唔難喎！ 船皇 食物 船皇(銅鑼灣) 地址
銅鑼灣黃店-行到入大坑食超正拉麵-凪豚骨拉麵 Ramen Nagi
平日唔食拉麵嘅我，今日同女朋友好少有咁去咗食拉麵，呢間「Ramen Nagi」(凪豚骨拉麵)位置喺大坑，由於店仔細細，行到過去記得聽店員吩咐點排隊，因為排隊人數多可能排到隔離鋪頭係唔得嘅。點咗拉麵坐低之後就可以等上餐，店員好有耐性咁解釋食法，如果冇記錯應該係：首先飲啖湯，之後將碗入面嘅肉球拆鬆撈勻嚟食，黑骨同赤骨都好好味，下次要試埋其他湯底！另外，除咗基本四個湯底，佢哋仲有限定拉麵，記得上佢哋Facebook睇吓呀！ 24/8/2021更新：新店開咗喺渣甸坊，大家可以睇番銅鑼灣黃店：Ramen Nagi凪拉麵-終於開番喇!可能係香港最好味嘅拉麵 Ramen Nagi 凪豚骨拉麵 地址