長沙灣良店:contrast-人氣cafe超推介酸種麵包!
Weekend嘅時候你哋鍾唔鍾意出去行市集呢？其中一個定時喺假期或者節日都搞市集嘅D2 Place，大家有冇好好行吓附近嘅荔枝角/長沙灣有咩黃店食呢？今次去咗平時勁長人龍但keep住都有人排隊嘅cafe：contrast！由於喺正路邊，餐廳外牆又係大玻璃窗，所以環境都好光猛；座位都隔得算開，有普通方型木餐枱之外，仲有啲圓枱仔，整體設計都好舒服。而食物同飲品質素亦都好有驚喜，特別想同大家介紹個酸種麵包！玩上Pama Ham同新鮮無花果，外表同味道都一流！ contrast facebook contrast: 無花果巴馬火腿忌廉芝士酸種包 HK$82 上面呢份Sourdough真係好出色，麵包有手板咁大塊，上面鋪滿咗沙律菜、巴馬火腿、新鮮無花果同埋忌廉芝士。味道因為有巴馬火腿同cream cheese嘅鹹味，所以好開胃，而無花果甜甜地就中和到個鹹味，加埋個麵包外皮勁脆，麵包硬身帶酸味，整體唔會覺得太鹹，好好味！ contrast: All…
荔枝角良店：甜記餃子-超好味餃子又多款湯汁都正(搬咗新舖喇)
而家週末可能大家都會去吓 D2 place行市集，咁肚餓嘅話醫肚就一定要去試呢間甜記餃子！！所有餃子都係當日人手即包即叫即煮，每隻餃子都相當足料，餃子皮又薄又唔會厚粉，而且除咗用湯煮都可以叫煎餃子。想試晒兩個煮法就叫埋囉，價錢又平又好食。加上店仔細細，佢足足有10款餃子畀大家揀，約多啲朋友去都好難一次試晒。 2023年7月更新：舖頭已經搬咗去麗新商業中心，即係荔枝角壽司郎上面，唔好行錯去舊舖呀！新舖大間咗，坐得舒服啲，餐具、水、菜脯都自助可以自己出去拎。而且而家仲有Pet-Friendly座位，帶住毛孩嘅朋友都有得去食餃子喇~ 甜記餃子：超多口味即叫即煮 甜記餃子 荔枝角新舖地址 詳細地址：麗新商業中心1樓108A號舖其！荔枝角站同長沙灣站都一樣去到，因為舖頭喺正兩個站中間
