鴛鴦奶茶：石門工廈高質飯堂
????左右掃睇更多相片，點擊進入IG閱讀???? 在 Instagram 查看這則貼文 #鴛鴦奶茶：石門工廈高質飯堂 . 上次公眾假期摸完門釘，今次特登揀番工作日嚟試，味道幾好，物有所值，距離 #石門站 同附近 #鄉議局巴士站…
早澤早午餐 啲#蛋餅同#鐵板吐司真係家燕姐都要講：好好味呀！！！！
????Click入IG一次睇晒所有相片???? #早澤早午餐 啲蛋餅同鐵板吐司真係家燕都要講：好好味呀！！！！ . 喺中正紀念堂站2號出口步行幾分鐘就到,餐廳提供嘅食物種類唔多，只有7款蛋餅，4款鐵板吐司（鹹），3款粉吐司（甜），2款炸物，6款飲品。 . 今次食嘅蛋餅係 #菜根潭 ，個蛋餅好脆，入面夾住左粟米粒黃芽白芝士，做到好脆內軟，味道唔會好鹹好膩，好味！ . 跟住仲有…
產出 The Food 台北一間冷氣唔夠涼嘅文青cafe
????Click入IG一次睇晒所有相片???? #產出TheFood 想舒服嘆個下午茶但係個冷氣唔夠涼就會出晒汗 . 呢間cafe喺正個捷運站附近，幾步路就行到，詳細可以上番info個網站睇番地址，佢同一區有幾間分店，大家可以揀下鐘意邊一間嘅裝修。 . 叫左兩款 #全日早餐 ，份量好岩 #brunch 嚟食，冇食晏嚟食個tea都相當飽。味道都好ok，炒蛋好滑，煙三文魚都幾有鮮味，仲有啲香草喺面幾香。煎雞扒都好香，個汁都好好味。薯仔控會鐘意佢嗰啲煎薯仔。沙律中規中矩。兩個餐都有跟包，所以真係幾飽。 .…
自己的酒自己調 去台北旅行不妨一試的便利店調酒diy
????Click入IG一次睇晒所有相片???? #台灣便利店 #雞尾酒 : 自己的酒自己調！ . 之前睇Youtube見有台灣人分享左自己用便利店買到嘅飲品同酒黎自己調酒，個Youtuber自己試完嘅感想係：嘩！這個damn好喝！ 唔知大家有冇睇過條片呢，月頭去左台北旅行就順便試左分享俾大家 . #冬瓜茶 溝 #威士忌，只要買齊圖中兩支就可以做到，將威士忌填滿飲左相應份量嘅冬瓜茶，將威士忌嘅味較得甜左，不過冇去到damn好喝。…
六樓後座冰室：好似穿越左番去80年代
Raven今次上網搵到一間舊式公屋茶樓設計裝潢嘅茶餐廳：六樓後座冰室。位置嚟講其實就喺淘大花園再行多10分鐘就會搵到個商場。咁間餐廳位置都算係商場比較入嘅位置，所以沿路行入去都要行多幾步喇！ 初頭以為只係間茶餐廳裝修特別啲，一路由商場外面行過去，先發現原來連個商場設定同裝潢都係擺到明懷舊。 六樓後座冰室個水吧位，佢天花特登油上嗰種綠綠藍藍嘅色，十足十石板街會見到嘅茶檔。 餐廳門口擺左啲枱櫈，幾似72家房客年代嘅擺設。 如果想撥個輪去叫外賣，唔好意思，呢部電話冇插電話線嘅... 舊鐵閘舊信箱，扮得都似模似樣架！ 舊式旅行喼上面再放左舊電視機同打字機，好似番番去細個嘅時候咁。 唔知呢款鬧鐘仲有冇人用呢，咁樣響法真係成屋人都俾佢嘈醒埋。 望番入餐廳，食客坐嘅枱櫈都似舊樓樓，圓枱木櫈。正中間嗰面主題牆係全間茶餐廳嘅靈魂！佢扮緊由室內望出窗見到香港舊屋村：南山村！頓時覺得自己係坐喺2樓。 講番今次食左啲咩先，其實周末lunch時間去，人流唔多，行到就可以直接入去坐低喇。同行三個人分別叫左三個唔同嘅食物，一係福建炒飯，二係陳皮鴨腿湯飯，三係雞扒腸仔鮮茄撈丁。 呢碟福建炒飯幾足料，蝦同魷魚都唔少，份量都幾足。另外有切左丁嘅翠玉瓜同紅蘿蔔增加口感。味道方面，同行朋友話味道都幾好咁。 Raven自己叫左嚟食嘅係鴨腿湯飯，佢飯同鴨腿湯本身分開上，咁食嘅時候逐啲飯咁放入去個湯度食都得嘅。個湯入面除左鴨腿，仲有蘿蔔、紅蘿蔔、冬菇、陳皮同芫茜。味道方面個湯聞落幾香，有陳皮同芫茜香味，咁食落口所有配料都夠味道，蘿蔔仲好入味。鴨腿嘅肉質都好淋。不過有樣野，食食下就會發覺呢一個湯一定落左味精，因為越食就越口乾，食完離開埋餐廳都持續口乾左一段時間...…
鐵牛台灣牛肉麵：一間幾抵食嘅連鎖台式餐廳
早幾日行過旺角諗唔到食d咩野好，度度都等位都有排等。所以行到過去旺角中心嘅時候就順便落去 鐵牛台灣牛肉麵 望望，之前去過尖東地庫嗰間覺得味道都ok，見到唔多人排緊所以就拎左飛入去食。首先要提一提大家嘅係：鐵牛呢間餐廳喺入座嘅時候，侍應會交低餐牌，筆同點心紙，坐低揀好食咩之後就要剔番想食嘅野之後，要拎住點心紙去門口收銀度俾錢叫野食，所以之其唔好坐低舉手叫侍應黎幫你落單呀。同埋收銀處間唔中都有d自家冷泡茶或者台灣嘅蘋果西打可以買。咁下面就分享一下Raven同女朋友今次點左嘅野食同感想。 咁呢個逄甲鹽酥雞滷肉便當份量唔算多嘅，除左雞同飯之外，仲會跟3碟小配菜，分別有生菜+茶葉蛋+麵筋花生。個生菜配左帶有少少辣味嘅鼓油，味道都幾惹味，想食多d可以叫餐牌上寫嗰一碟嚟食。個茶葉蛋味道都好夠，不過係細粒左少少，同埋隔離嘅醃蘿蔔都有d酸味可以開胃。個麵筋同花生，我獨愛花生。 呢份鹽酥雞唔會做得好濃味，雞肉都唔會炸得好老好硬，所以食落口都仲有少少肉汁。 個滷肉飯味道唔會好濃，滷肉汁啱啱好夠味，不過滷肉同汁都略縑太少，撈勻晒之後啲飯只係略略夠肉汁包住每粒飯。 份量嚟計，呢份夜市小香腸肉燥乾拌麵都夠女仔食嘅。除左拌麵同啲台灣腸仔之外，仲有跟一碗湯水嘅，不過味道普通d，係蔥味嘅味精湯。 呢份台灣小香腸雖然都唔厚，不過口感都唔錯。味道方面會係似原味台灣腸，不過每塊腸仔上面其實係放左一片蒜頭同少少蔥粒，所以全部放晒入口，就會有蔥嘅香味、蒜嘅辣味同腸仔嘅肉味，口感係比唔食蔥蒜豐富好多。 個肉燥乾拌麵本身有肉汁喺底，蔥花肉燥青瓜絲就喺面，所以一定要撈勻晒食先唔會好乾。味道我覺得個汁本身應該係蔥加鼓油做嘅，所以放落口會食到好香嘅蔥香。 呢份小茄子喺等位嘅時候打開本餐牌就已經想食，所以點左嚟試下。佢嘅面都係放左肉燥同蔥粒，個燒汁味道又唔會好濃，但係Raven覺得唔算太吸引同惹味。 冬瓜茶太多冰，所以好快個味會淡左，如果鐘意飲濃味嘅冬瓜茶可能要點熱嗰杯試下。 以兩個餐加埋一份小菜，兩杯飲品(其中一杯台灣奶茶唔夠得左影相同我都冇試到味所以唔提咁多)，價錢又唔算好貴。不過今次坐低後都遇過侍應有趣嘅對待，可以反享一下俾大家：我地兩個人坐低左，其中一個餐嚟左冇耐，有一個侍應行過嚟問食物黎齊未？我當時心諗兩個人食飯，但係分明得一個餐黎左，唔通平時其他客人都係咁叫少啲嘅？不過我都係有禮貌咁答佢未齊架。之前去過尖東嗰間分店食過一次，覺得旺角呢間分店座位冇咁鬆動同舒服，地方亦細啲，不過整體都算係一次唔錯嘅體驗。
