Tag: 餃子

觀塘良店:天園餃子-皮薄餡靚嘅好味水餃

嚟拜訪觀塘老母除咗體驗下塞爆駿業里,其實都有唔少好食嘅餐廳值得大家塞過嚟試下嘅!今次同大家分享嘅係近觀塘住宅區嗰邊嘅,係一間食水餃嘅餐廳:天園餃子。呢度嘅水餃,全部都係即日包,水餃皮造得好薄身,水餃餡都好多選擇,而辣菜甫都好香又夠辣,加埋一齊食都幾惹味!如果唔想去觀塘,其實土瓜灣同旺角都有分店嘅,下次想食水餃又多個選擇! 天園餃子: 重量級餃子套餐(10隻水餃+小食) $56 如果一心想食餃子,可以叫個重量級套餐,一次過食10隻水餃,仲可以食多一款小食。上面嘅白胡椒雜菌豬肉餃,食落去胡椒味好濃好香,帶有少少辛辣嘅味道,但完全唔係辣嘅,所以唔食得辣嘅朋友都可以試下。水餃皮好薄身,而且口感完全唔覺得厚粉,亦都唔會好有粉味!而湯底係比較簡單嘅清湯,配上濃味水餃都幾好,唔會搶咗個味。而醉雞翼味道都唔錯,而且有3隻,以小食嘅數量嚟講都算多,每隻雞翼上面有一粒杞子,都係浸到好有藥味。 天園餃子: 輕量級餃子套餐(5隻水餃+小食) $48 而韭菜豬肉餃味道都唔錯,雖然呢度水餃嘅size唔算大粒,但係因為個皮夠薄身,個餡食落唔會覺得話唔夠多。如果想飽肚啲,當然建議大家叫個重量級套餐啦!而椒鹽茄子都應該係即叫即炸,上碟嘅時候熱辣辣,不過椒鹽味就唔算好夠,唔夠惹味,不過口感就係外脆內軟嘅! 天園餃子: 自家辣菜甫 每一間好味嘅水餃鋪都有自己嘅菜甫,呢度都唔例外。而天園餃子嘅辣菜甫味道好香濃,辣味亦都好出,配上濃味或者淡味嘅水餃都好夾,加上呢度湯底本身味道都夠清,所以個菜甫就可以調番更刺激嘅味道。鍾意食辣嘅朋友可以試下,食唔到辣嘅朋友就最好淺嘗喇!

Raven

荔枝角良店:甜記餃子-超好味餃子又多款湯汁都正(搬咗新舖喇)

而家週末可能大家都會去吓 D2 place行市集,咁肚餓嘅話醫肚就一定要去試呢間甜記餃子!!所有餃子都係當日人手即包即叫即煮,每隻餃子都相當足料,餃子皮又薄又唔會厚粉,而且除咗用湯煮都可以叫煎餃子。想試晒兩個煮法就叫埋囉,價錢又平又好食。加上店仔細細,佢足足有10款餃子畀大家揀,約多啲朋友去都好難一次試晒。 2023年7月更新:舖頭已經搬咗去麗新商業中心,即係荔枝角壽司郎上面,唔好行錯去舊舖呀!新舖大間咗,坐得舒服啲,餐具、水、菜脯都自助可以自己出去拎。而且而家仲有Pet-Friendly座位,帶住毛孩嘅朋友都有得去食餃子喇~ 甜記餃子:超多口味即叫即煮 甜記餃子 荔枝角新舖地址 詳細地址:麗新商業中心1樓108A號舖其!荔枝角站同長沙灣站都一樣去到,因為舖頭喺正兩個站中間

Raven