秋天遊首爾必去Staff Picks cafe！大大棵銀杏靚景任影
秋天去首爾當然要揾間睇到銀杏紅葉嘅cafe啦！今次Raven同女朋友就去咗Staff Picks，cafe係紅磚屋造型，門前有一片草地，草地上有好大棵銀杏樹，蛋糕咖啡都唔錯。遇啱季節同時間，成個體驗就更加治癒㗎！ Staff Picks 環境&景色 出發前喺instagram睇過唔少post都見到秋天好多cafe都好靚，而Staff Picks呢個睇落係最舒服，所以10月中去首爾旅行就去咗一次。不過有啲可惜係今年首爾嘅秋天好似未夠凍，街上嘅樹都未轉晒色，如果你見到呢篇blog嘅時候，又準備喺11月去首爾，希望你都可以睇到上面右邊張相咁靚。雖然Raven只係影到左面張相，但成個環境都係舒服嘅。 Cafe係單層+花園咁(上面好似係一個artist嘅 studio)，食物飲品都可以喺室內櫃檯落單，座位就可以隨便揀室內或者室外，如果想欣賞景色就好推薦坐室外，就算秋冬嚟，如果有陽光曬落嚟其實都應該夠暖。 想知佢哋棵樹幾時變色，最穩陣應該睇Staff Picks 嘅instagram有冇update，因為其他人post出嚟嘅可能係舊相...…
益善洞必去舊鐵道cafe：NAK WON 樂園驛
首爾唔同韓屋村都各有特色，今次同大家介紹嘅NAK WON 樂園驛就位於益善洞韓屋村，cafe中庭有一條廢棄火車路軌，環境正到好難忍住唔影相，而佢哋嘅蛋糕咖啡選擇都好多，休息夠喺周圍行下都可以影到唔少靚相。即刻睇下NAK WON嘅介紹啦～ 去韓國旅行想畀錢/坐車方便？即刻睇韓國預付卡WowPass教學 伯爵茶朱古力蛋糕 今次叫咗一件伯爵茶朱古力蛋糕、一杯Peach Ade、一杯Hoji Latte，味道方面3樣都唔算好突出，全部都好普通...果然係一間食環境嘅cafe！不過環境上可以睇下面嘅相片，夜晚去係幾時有氣氛嘅！ cafe環境特色 如果喺附近食完晚餐之後想揾個地方坐下飲下嘢，夜晚經過NAK WON…
荃灣良店：Coffee Slave-唔止係嘆一杯啡咁簡單(已結業)
荃灣路德圍一直都有唔少小店吸引好多人嚟覓食，不過呢幾年都有唔少轉變，其中一個變化就係轉角位嘅BEANS結業，由觀塘起家嘅Coffee Slave接手新舖位。講起Coffee Slave 啡奴，如果有幫襯過觀塘舖，相信對佢哋嘅出品都有一定信心。上手BEANS嘅裝潢配上荃灣街景，舒服程度拍得住有超大樓面嘅觀塘店呀~唔想塞爆駿業里嘅朋友，可以嚟荃灣Coffee Slave試吓~ Follow 啡奴嘅IG ； 佢哋仲有Online Shop賣咖啡豆 荃灣Coffee Slave…
荃灣良店: hōmu by favilla-色香味十足嘅日式cafe
之前同大家介紹過佢哋喺觀塘嘅分店The Artlab by Favilla，今次就去埋佢哋喺荃灣愉景新城嘅分店hōmu by favilla，少咗workshop嘅荃灣分店最主要就真係餐廳，設計簡單而且環境都幾舒服，而食物一樣都係賣相靚味道好。
尖沙咀良店: REACTION Coffee Roasters-必試好味多士
講到去尖沙咀真係比較多唔同類型嘅小店可以支持，而cafe算係比較多選擇而且水準都OK嘅，而今次介紹畀大家嘅REACTION Coffee Roasters都係一間人流幾高嘅小店。除咗佢哋主打嘅咖啡之外，當然要試埋呢度嘅食物啦，因為選擇都幾多！
觀塘良店：The Hunt ＆ Coffee Roastery-高質有驚喜西餐 意粉同甜品都好味
喺觀塘一眾工廈之中，每次食lunch經過都會畀呢度咁eye catching 嘅藍色外牆吸引咗，今日終於有機會一試。今次介紹畀大家嘅係The Hunt ＆ Coffee Roastery，地方都幾寬敞，坐得舒服之餘仲有落地大玻璃，店內店外嘅裝修絕對係打卡嘅好去處。之前一直都心思思都食呢度嘅Signature Tiramisu ，估唔到原來佢哋嘅主菜都一樣好味。 The Hunt ＆…
長洲良店：島中坊研 – 必點奄列餐飛碟餐
今次為大家介紹第三間長洲嘅黃店係島中坊研，有一樣值得同大家分享下，佢哋唔只係cafe嚟，佢哋有一班設計師，會將產品放去長洲東灣嗰度嘅分店賣，有唔少衫褲袋，而餐廳同鋪頭都有消費儲印仔，可以去餐廳免費升級飲品或者換焦糖布丁，大家可以留意一下。而講番餐廳呢，啲食物雖然睇落簡單，但係味道其實真係唔錯，而且設計師得閒會整下蛋糕，如果遇著佢哋整咗特別嘅cake記得要試下！ 島中坊研網店連結：Link 長洲其他黃店推介： 長洲黃店：Heima Heima – 日系cafe寧靜舒服 長洲黃店：陳通記 – 沙爹牛肉花生味超濃郁 長洲黃店：慢活瞬間長洲粒粒雪糕 –…
長洲良店：Heima Heima – 日系cafe寧靜舒服
講起長洲除咗大魚蛋同芒果糯米糍之外，唔知大家有冇搵過仲有咩地道啲嘅小店呢？今次會一連幾篇同大家分享下喺長洲嘅黃店小店，下次入長洲記得去呀！第一間同大家分享嘅係位於長洲西灣嘅一間cafe：Heima Heima。可能因為地理位置嘅優勢，呢度人流會比較少，但如果公眾假期可能都迫爆人唔出奇。但係西灣店鋪唔多，以前吸引人過嚟嘅原因好可能係張保仔洞就喺度，另外而家仲有個glamping地點。 cafe嘅環境好舒服，入到嚟會令人覺得完全唔似係長洲，間中會聽到沖咖啡嘅聲同店入面播嘅音樂聲，叫一杯咖啡同一件cake就可以好好放鬆下，呢樣先係大家放假最應該做嘅嘢！ 長洲其他黃店推介： 長洲黃店：陳通記 – 沙爹牛肉花生味超濃郁 長洲黃店：島中坊研 – 必點奄列餐飛碟餐 長洲黃店：慢活瞬間長洲粒粒雪糕 –…
