Tag: domain name

到Namecheap購買/註冊Domain Name(網域)嘅廣東話教學

如果要擁有一個網站,首先要買起/註冊Domain Name(網域)先,之前寫咗一篇簡單介紹咩係Domain Name(網域),未睇嘅朋友可以睇番呢度。今次會實際同大家去Namecheap.com註冊appleisagoodthing.com做例子,成個購買過程同之後有咩需要留意嘅地方都會喺下面同大家分享。由於多數購買Domain嘅網站流程都相似,大家都可以作為參考之用。 Namecheap.com註冊好處係免費得到Domain Privacy服務,喺WHOIS/ICANN資料庫隱藏Domain Name擁有者身份。 步驟1: 到Namecheap.com物色心宜Domain 坊間唔少提供註冊Domain Name嘅網站通常都唔單止提供註冊Domain(網域)嘅服務,仲有可能有Hosting(網頁寄存)、Email(擁有自己網域嘅電郵地址)、Transfer to US(將Domain改註冊公司)等等嘅服務,所以撳落去Domain嗰一頁,就可以搜尋番想要嘅Domain喇!

Raven

想買屬於自己嘅網址?註冊網域(Domain Name)購買方法+注意事項

想擁有自己嘅網站,首先要諗好你想要嘅嗰個網域係咩?所謂嘅網域(Domain Name)即係youtube.com、www.gov.uk、www.adidas.com.hk呢啲咁,可以有www,又可以冇www,亦都可以係.com,又可以.hk咁。網域(Domain Name)就好似電話號碼咁,搵一個地方登記咗之後,全世界嘅人都可以用瀏覽器輸入番個網址嚟搵到你嘅網站(唔包括某啲有偉大防火牆嘅國家)。咁下面就會介紹番喺邊度可以買/註冊網域(Domain Name)。 簡單講解網域(Domain name)同網址(url)分別 一個完整嘅網址可以簡單理解為3個元素/部份,包括[https://]++。第一部份係prefix,即係http://或者https://,而呢個部份屬於伺服器嘅設定,之後會有文章再分享,主要分別係https係而家主流嘅標準,屬於有加密嘅通訊規則,http就冇加密嘅,容易啲畀人追蹤到上網內容(中國係其中一個Ban咗https嘅國家)。第二部份係sub-domain,即係www。呢個部份都係屬於伺服器嘅設定,之後會有文章再分享,但係主要分別係瀏覽者上網站主要嘅時候,係上example.com定係www.example.com。另外,sub-domain仲可以喺其他地方出現,例如hk.yahoo.com就係其中一個例子,yahoo.com係主網域,hk.yahoo.com入面嘅hk就係sub-domain,可以定義為yahoo.com想用hk呢個sub-domain嚟分番香港內容,tw.yahoo.com就係台灣內容咁。第三部份就係domain name,即係咩咩.com、咩咩.hk、或者咩咩.io呢啲,亦係呢篇教學嘅主要內容,當中網域(Domain Name)係由name同extension組成。 下面會用例子介紹番: 假設你想要一個網站係蘋果是個好東西,咁Name就咁釋就會係appleisagoodthing,而extension可以用.com之外,其實都仲有好多唔同類型嘅選擇,可以係appleisagoodthing.net、appleisagoodthing.ai、appleisagoodthing.shop咁。 喺邊買/註冊網域?點買先最抵?

Raven