$1288入手Nuarl N6 pro評測分享日本靚聲真藍芽耳機
轉會用iphone11半年，原本都一直用緊有線耳機聽歌，但係武漢肺炎搞到大家除咗星期六日之外嘅日子都要戴口罩，坐車嘅時候又戴口罩又戴耳機仲要戴埋眼鏡真係好唔方便，所以研究咗一輪決定買日本得獎真藍芽耳機 Nuarl N6 pro，購買方法喺文末分享。 Nuarl N6 pro 開箱 撕開透明包裝紙，Nuarl N6 pro嘅包裝盒一推，就可以見到內層嘅耳機同其他附件。耳機充電盒係好滑嘅磨砂面，質感唔錯，除咗跟機有3套原裝嘅黑色耳塞，仲會有3套SpinFit耳塞，除此之外有耳機兩隻，Type-C充電線，說明書等等。而N6 pro耳機望落個大細其實偏大，但係真實戴上耳機，畀耳仔包圍住反而覺得大細適中，唔會明顯突出耳仔外。而充電盒同耳機係有磁石吸附嘅優點，唔需要擔心打開充電盒會跌咗耳機出嚟，就算反轉拎都唔會跌。…
