保護自己推介用ProtonVPN+示範cut Surfshark VPN!
其實早喺2020年就同大家介紹過ProtonVPN點樣支持香港人，而最近因為用咗3年嘅Surfshark VPN已經到期，所以打算唔續佢哋而轉用ProtonVPN。呢間嚟自瑞士嘅VPN公司深受對網絡安全有要求嘅人使用，例如唔同國家嘅記者都會同時用埋佢哋嘅ProtonMail服務嚟保護自己，而作為香港人嘅你哋如果想喺網絡上都可以有一定嘅安全同自由，建議睇晒下面嘅內容。以下會同大家分享一下ProtonVPN比其他VPN公司強，同埋點樣cut Surfshark。 ProtonVPN 介紹+收費 ProtonVPN係一間瑞士公司，而瑞士亦都係世界上其中一個對個人私隱極度尊重同保護嘅國家，同時並唔屬於5眼、9眼、14眼嘅國家，所以用戶唔需要擔心個人資料會因為任何原因轉交畀其他國家。而Proton亦將佢哋嘅VPN源代碼公開、唔會追蹤或紀錄任何用戶嘅使用情況，令人更加放心用佢哋嘅服務。 一間安全度同信譽咁高嘅VPN公司除咗提供由US$4-$24嘅收費計劃之外，亦都有提供免費服務畀用戶，不過就只會提供3個國家嘅伺服器連線選擇，速度亦都會比較慢。而Raven就課咗US$8月費嘅Plus Plan，主要係比起US$4嘅Basic Plan，同時連線嘅裝置由2個增加到10個、連線速度亦係最高、支援唔同Streaming平台。而最費嘅Visionary Plan其實VPN服務係同Plus Plan一樣，不過就會包埋ProtonMail服務，有需要用嘅朋友可以留意下。 而ProtonVPN亦都支援PC、MacOS、iOS、Android、Router、Linux、Chromebook、Android…
如何選擇適合自己的VPN？VPN推介2020-秋
點樣揀最適合自己嘅VPN？ 而家四圍都見到唔同嘅VPN廣告或者介紹，咁究竟係唔係個個都啱自己用？唔同VPN公司提供嘅服務又有咩唔同呢？如果用免費嘅又得唔得？如果想睇啲限地區嘅影片服務又得唔得呢？今次會同大家分析一吓揀選VPN之前要知道嘅資訊，等大家可以買到一個安全又適合自己嘅VPN。之後會介紹幾款針對安全，價錢又唔貴嘅VPN畀大家。 用途每個VPN服務提供者都有佢強弱嘅地方，有啲VPN係比較著重跨區串流睇片(例如香港用戶可以連去日本Netflix睇日本區限定嘅內容)，有啲可能係畀用家BT(好多外國國家都視BT行為係犯法)，當然而家大部份VPN都有提供唔同嘅伺服器針對番以上嘅特殊用途。速度當用戶連上VPN伺服器嘅時候，無論你係用電腦定手提電腦，連線速度都一定會大打折扣，所以如果想提高平時嘅連線速度，電腦就當然係插Lan線會比用Wi-Fi快，手提電話普遍連Wi-Fi比用4G快。另外，每個VPN都會提供唔同地方嘅伺服器，大家可以連上唔同地方嘅伺服器去測試連線速度，搵到一個最快嘅伺服器。普遍嚟講，香港嘅用戶連上香港嘅VPN伺服器會係最快，但係如果太多用戶連線到同一個VPN伺服器，咁就可能令到連線速度下降。所以，大家覺得連線到VPN伺服器速度過慢，最好就係連多幾個伺服器比較一下。連線安全唔同嘅VPN都有使用各類型嘅安全措施，保障用戶嘅連線安全。例如唔同級別嘅加密方式，而比較常用到嘅加密方式係AES-128bit同AES-256bit，令到用戶上網期間嘅連線都變成亂碼，難以被有心人追蹤到。例子係「你今日食咗飯未」喺AES加密方式下會變成「SJOioslTBjcij=os$MqoXBVGsdg」咁。個人私隱每個使用VPN嘅用戶都想自己係喺安全嘅環境上連線到互聯網，而部份VPN由於係部份極權國家，冇人權可言嘅國家提供，咁佢哋提供嘅VPN，就梗係危險到極啦。而部份尊重人權又尊用私隱嘅國家，除咗法例上受保障，連VPN伺服器設備都十分講究：例如利用RAM取代HDD嚟做伺服器嘅儲存裝置，咁每一次開關伺服器，所有資料都會自動清除；強調No-Logs，大部份VPN公司會聲明自己唔會紀錄任何用戶連線嘅資料，包括唔紀錄用咩設備連去邊一個地區嘅VPN伺服器，連線時上過嘅網/網購消費咗咩產品等都唔會紀錄。支援裝置最近網上推介嘅大部份VPN服務都支援唔同種類嘅連線設備，由電腦(Windows/Mac/Linux)、手提電話(Android, iPhone)、平板電腦、Router，到TV Box都可能支援到。不過，多數VPN服務計劃都只係支援限量數目嘅設備同時連線，所以如果你係想同家人朋友分享就要留意一下。例如ProtonVPN支援X部設備同時連線。下面介紹嘅幾款VPN入面，Surfshark就係一個例外，佢支援無限設備數量，咁你身邊嘅所有朋友都可以Share呢個帳號嚟使用VPN服務喇。其他 (收費, 試用及退費機制, 使用難度等等)唔同嘅VPN服務有唔同嘅價錢，而且往往訂閱時期都係越長，每月月費就越平，所以大部份VPN服務都會提供試用/指定日期內無條件退款。另外，手機APP或者電腦軟件係唔係容易使用都係一個重點，如果好難先設定到，唔熟科技嘢嘅朋友就可能容易放棄使用落去喇。 可信性較高嘅VPN推介 Surfshark 價錢：每月港幣$15.45(24個月港幣$370.8)即將加價至每月港幣$19.2(訂閱1年送1年服務)30天退款政策最多同時連線設備：無限阻擋廣告：可以No-Logs, 支援絕大部份設備…
DNS係上網嘅“黃頁”-換一本安全快速唔追蹤你嘅網絡電話簿
近日大家對網絡安全都越嚟越著緊，大家首先留意到嘅可能係買個VPN保平安，但係冇一個方法可以保證到100%安全，所以今日再同大家分享吓DNS設定方法。DNS全名係Domain Name System，年紀大嘅朋友可以理解佢為網絡版「黃頁」，未見過「黃頁」嘅年輕朋友，可以理解做你嘅通訊錄/電話簿。 延伸閱讀：國安法殺到嚟！VPN你買咗未？ 點解DNS設定好重要？ 簡單講就係你唔會想有第三者知道你聯絡過咩人，網絡上就係唔想畀人知你上過咩網址，你亦都唔想第三者畀個假電話號碼你，網絡上就係唔想上咗一個假冒嘅網頁。 其實無論你屋企用咩寬頻，電話用邊間網絡商，佢哋都會提供咗自己嘅DNS。即係「網上行」、「和記寬頻」都有自己嘅網絡電話簿；「CSL」同「數碼通」都有自己嘅網絡電話簿。 例子：當你用電話好普通咁上 www.facebook.com，其實電話係文盲係睇唔明英文，佢呢個時候就要揭吓本「DNS電話簿」，查吓究竟www.facebook.com個IP係咩，原來佢個IP(可以當係電話號碼)157.240.7.35，之後電話就會帶你入去呢個網。 例子：當你想上www.facebook.com嘅時候，DNS被人控制咗/HACK咗/壞咗，你可能會上唔到Facebook，更加有可能畀不法人士導你去一個造到一模一樣嘅假Facebook頁面，咁你照樣登入，你就會洩漏咗自己嘅帳號密碼。你可能諗Facebook唔緊要啦，咁如果係銀行帳戶密碼你又會唔會咁諗呢？ 如果DNS係屬於一個你唔信任嘅公司，咁你當然需要換一個安全嘅DNS服務提供者啦。下面會介紹幾個市場上可以取代香港網絡商DNS嘅免費DNS服務。 Open…
ProtonVPN宣布捐出7-8月收入撐港人抗爭
今日分享一則國際新聞，瑞士VPN公司ProtonVPN喺官方Blog宣布將會捐出香港7-8月嘅50%收入畀612人道基金同國際戰線攬炒團隊Stand With Hong Kong，佢哋目標係捐到HK$1,000,000。入嚟睇吓ProtonVPN嘅簡單介紹： ProtonVPN嘅好處 瑞士係世界上其中一個極尊重私隱嘅國家，有關私隱保障嘅法律亦都係世上最嚴緊，加上並唔屬於五眼、九眼、十四眼情報機關，所以用戶唔需要太擔心。No-Log保證、Open Source加上有第三方機構審核，即使使用免費版嘅ProtonVPN同樣受保護。ProtonVPN位於瑞士嘅重要設備位於地表1000米下，更加係受前軍人保護、冰島嘅設備受前軍人保護、瑞典嘅設備就位於地下，反映物理層物上部份伺服器的確幾安全。內置支援Tor，用戶可以更加難被追蹤，亦都可以瀏覽Dark Web。 ProtonVPN嘅收費 ProtonVPN提供3個收費計劃：免費、Plus同Visionary。免費版可以畀用戶單一裝置連線到3個國家；而Plus版同Visionary版主要分別係後者支持10個裝置，同埋附加著重私隱嘅ProtonMail Visionary。 支持ProtonVPN…
聲稱No-Log-港VPN供應商二千萬用戶資料流出
近日專門評價同研究VPN服務嘅外國機構vpnMentor發佈報告，指有7間香港註冊嘅VPN公司冇將用戶資料加密，而且相當容易取得，包括係：UFO VPN、 FAST VPN、Free VPN、Super VPN、Flash VPN、Secure VPN同Rabbit VPN。流出嘅資料相當廣泛，由用戶登入用嘅電郵同密碼、用戶網絡活動包括：設備ip、連線到vpn的伺服器ip、上網紀錄、網上購物紀錄等等。如果使用呢啲VPN，用戶會有咩損失？ 1.易遭網絡釣魚攻擊 用戶可能會經常喺電郵收到一啲假扮銀行/Payapl/Apple Send畀你嘅電郵，跟住你點擊入面嘅假連結，對方就有機會怎虛而入，控制你嘅電腦。其實早幾年Facebook都曾經流出過極大量嘅用戶資料，Adobe、500px、DailyMotion、Canva等等服務都流出過，Raven自己都有電郵地址曾經喺唔同網站嘅資料流出事件暴露過，如果你都想Check吓自己有冇中，可以上Have…
Surfshark VPN零硬碟化-安全度再提升
VPN服務背後就係好多位處唔同地方嘅Server，用戶透過VPN連上呢啲伺服器，再連去目標網站，咁樣就為大家上網提供基本嘅網絡隱身。但係唔少VPN Server嘅硬件係用HDD即係硬碟，除咗容易啲喺硬碟層面留有VPN數據，速度都比較慢。Surfshark係市場入面其中一間將所有伺服器零硬碟化，完全轉換為RAM運作，提高整體安全同效率。 Surfshark本身已經保證No-log，即係用戶嘅ip、瀏覽記錄、連去邊個VPN Server、上網速度等等資料都唔會紀錄。而硬碟全部換晒做RAM，就可以再提高安全度，喺每次伺服器熄機，入面所有資料都會立即清除。點解用硬碟就冇咁安全？如果有不法分子同分母闖入去放伺服器嘅地方，抽出入面嘅硬碟，咁就可能有資料因此流出。 喺各安法公布開始，有唔少人先臨急抱佛腳去物色VPN，但係已經有VPN公司選擇抽走香港區伺服器，而Proton VPN同Nord VPN都表示會繼續香港嘅服務，可惜最令人擔心嘅係Apple會唔會再次出賣香港人，學似大陸咁下架所有VPN app，所以襯仲下載到VPN app嘅時候，就好把握！ 只要用呢條Link去買Surfshark就可以用83%OFF價錢購買：link Surfshark VPN比其他VPN好？…
國安法殺到嚟！VPN你買咗未？
如果上年6月到而家你都仲未買過VPN，咁你真係好大膽！今次Raven會同大家介紹番幾個比較多人討論嘅VPN，等你上網都多一重保障！仲會教埋你點揀VPN公司，同埋其他保護自己嘅方法。
