保護自己推介用ProtonVPN+示範cut Surfshark VPN!

保護自己推介用ProtonVPN+示範cut Surfshark VPN

其實早喺2020年就同大家介紹過ProtonVPN點樣支持香港人,而最近因為用咗3年嘅Surfshark VPN已經到期,所以打算唔續佢哋而轉用ProtonVPN。呢間嚟自瑞士嘅VPN公司深受對網絡安全有要求嘅人使用,例如唔同國家嘅記者都會同時用埋佢哋嘅ProtonMail服務嚟保護自己,而作為香港人嘅你哋如果想喺網絡上都可以有一定嘅安全同自由,建議睇晒下面嘅內容。以下會同大家分享一下ProtonVPN比其他VPN公司強,同埋點樣cut Surfshark。

↓撳個廣告可以支持大兄台繼續寫作↓

目錄

ProtonVPN 介紹+收費

Proton VPN嘅安全度絕對比唔少VPN高
Proton VPN嘅安全度絕對比唔少VPN高

ProtonVPN係一間瑞士公司,而瑞士亦都係世界上其中一個對個人私隱極度尊重同保護嘅國家,同時並唔屬於5眼、9眼、14眼嘅國家,所以用戶唔需要擔心個人資料會因為任何原因轉交畀其他國家。而Proton亦將佢哋嘅VPN源代碼公開、唔會追蹤或紀錄任何用戶嘅使用情況,令人更加放心用佢哋嘅服務。

Proton VPN收費計劃包含免費計劃
Proton VPN收費計劃包含免費計劃

一間安全度同信譽咁高嘅VPN公司除咗提供由US$4-$24嘅收費計劃之外,亦都有提供免費服務畀用戶,不過就只會提供3個國家嘅伺服器連線選擇,速度亦都會比較慢。而Raven就課咗US$8月費嘅Plus Plan,主要係比起US$4嘅Basic Plan,同時連線嘅裝置由2個增加到10個、連線速度亦係最高、支援唔同Streaming平台。而最費嘅Visionary Plan其實VPN服務係同Plus Plan一樣,不過就會包埋ProtonMail服務,有需要用嘅朋友可以留意下。

而ProtonVPN亦都支援PC、MacOS、iOS、Android、Router、Linux、Chromebook、Android TV等嘅裝置,唔怕手上嘅裝置用唔到。

ProtonVPN介面+功能介紹

ProtonVPN介面
ProtonVPN介面

呢度以電腦版介面同大家分享一下ProtonVPN有咩主要功能,主介面最左邊係國家嘅清單、右邊係世界地圖,用戶可以直接撳國家進行Connect、撳箭嘴去手動揀番該國家嘅伺服器、喺右邊嘅國家揀選連線。

↓撳個廣告可以支持大兄台繼續寫作↓

ProtonVPN主要網絡安全功能
ProtonVPN主要網絡安全功能

喺左邊國家清單上面有幾個logo,分別係Secure Core、NetShield、Kill Switch、Port Forwarding幾個主要功能。Secure Core嘅用途係連線去某個國家伺服器嘅過程入面,會先連去Proton其他高安全度伺服器,再連去本身想連線嘅國家,速度會有所減慢,但係就會更加難畀人追蹤到;Net Shield就提供咗防禦網上惡意軟體、封鎖廣告、封鎖追蹤器等嘅實用功能;Kill Switch嘅用途係令到裝置未連上VPN嘅時候唔會進行任何連線,呢個功能喺連接唔可信/街外免費Wi-Fi時好有用,可以保障喺連線過程入面唔會畀不法之徒連線到你嘅裝置;Port Forwarding主要用喺BT或者玩連線遊戲時提高連線速度。

ProtonVPN設定
ProtonVPN設定

除咗以上嘅功能之外,設定入面都有唔同嘅選項可以揀,例如開機會唔會自動連線、Protocol選擇等,其他就可以睇番上面張圖。

點解唔繼續用Surfshark? ProtonVPN有咩好?

當初用Surfshark都係貪佢月費夠平,但係早幾個月佢同NordVPN合併係我決定唔繼續用嘅其中一個原因。Surfshark同NordVPN兩間公司大家應該都唔會陌生,因為過去一兩年喺YouTube入面唔少YouTuber都有賣過佢哋嘅廣告。Raven個人認為兩間都算係營運咗唔長時間嘅公司合併,未必係100%係好事/壞事。

但係3年入面想透過Surfshark連去日本或者其他國家server睇Netflix就通常速度勁慢睇唔到,可能就係因為太多用戶透過Surfshark嘅IP咁做,而VPN公司亦冇好好維持個服務,呢個原因都好影響我決定唔繼續用Surfshark。雖然平時連線去其他國家online shopping或者就咁連番去香港server,速度上Raven係冇投訴嘅,但每條廣告都sell人話可以連線去其他國家睇就有誤導成分喇…

轉咗去Proton之後,即使連去日本Netflix都相當順,唔會load空氣!之前用Surfshark連Netflix主要啲圖都要load一段時間,真係好大分別…

↓撳個廣告可以支持大兄台繼續寫作↓

點樣Cut Surfshark VPN?

首先Surfshark係唔可以直接喺佢哋官網/App入面退出訂閱嘅、亦都唔可以就咁取消綁定張信用卡,要取消服務就需要用Live Chat,或者用電郵嘅方式同佢哋嘅support人員聯絡。之前Raven就用Live Chat嘅方式同佢哋其中一個support人員聯絡,講番要取消訂閱之後,佢會畀一條Link你撳入去取消自動續約,咁到服務完結日就會正式終止到服務。下面分享一下部份對話嘅截圖:

點樣Cut Surfshark VPN?
點樣Cut Surfshark VPN?

過程入面個Customer Support都有提到可以用一個更抵嘅價錢去續個subscription,如果各位想用再抵啲嘅價錢都可以用呢個方法去做。最後就分享埋唔用佢哋之後,記得用登記嘅E-mail send一封E-mail去privacy@surfhsark.com,叫佢哋幫你刪除你嘅個人資料。

↓撳個廣告可以支持大兄台繼續寫作↓