如果要擁有一個網站，首先要買起/註冊Domain Name(網域)先，之前寫咗一篇簡單介紹咩係Domain Name(網域)，未睇嘅朋友可以睇番呢度。今次會實際同大家去Namecheap.com註冊appleisagoodthing.com做例子，成個購買過程同之後有咩需要留意嘅地方都會喺下面同大家分享。由於多數購買Domain嘅網站流程都相似，大家都可以作為參考之用。
Namecheap.com註冊好處係免費得到Domain Privacy服務，喺WHOIS/ICANN資料庫隱藏Domain Name擁有者身份。
步驟1: 到Namecheap.com物色心宜Domain
坊間唔少提供註冊Domain Name嘅網站通常都唔單止提供註冊Domain(網域)嘅服務，仲有可能有Hosting(網頁寄存)、Email(擁有自己網域嘅電郵地址)、Transfer to US(將Domain改註冊公司)等等嘅服務，所以撳落去Domain嗰一頁，就可以搜尋番想要嘅Domain喇！
步驟2: 決定網域嘅extention
extention指嘅係你想網站最尾係.com/.net/.ai等等，都有好多唔同種類可以選擇，不過如果你想註冊.org就要注意要證明係特定機構先可以成功註冊。
步驟3: 加入購物車
將需要購買嘅Domain Name (Domain+extention)加入購物車之後，通常啲網站都會Cross sell一啲你可能有興趣嘅服務畀你，例如SSL證書、Hosting (網頁寄存)、Email服務等等，喺呢度我哋全部都唔買，繼續去下一步。
步驟4: 購買選項設定
呢度需要留意番個Domain想註冊幾多年，呢度建議打開埋Auto-Renew，咁喺到期日前個網站就會跟據你入嘅信用卡自動幫你繼續註冊個Domain。下面Domain Privacy(網域私隱)都建議打開同開埋Auto-Renew，用途就係幫你喺WHOIS資料庫入面，幫你隱藏重要嘅個人資料，而且喺Namecheap註冊係終生免費提供嘅，唔似大部份註冊網站需要客人另外畀錢，長期落嚟都慳唔少錢。
碌落少少就會見到佢再有Cross sell嘅服務可以畀你加，我哋繼續無視去下一步。
步驟5: 開設namecheap帳號
假設大家本身都冇namecheap帳號，就需要喺右邊填番新開帳號嘅資料，呢度要注意係以後呢個帳號就係拎嚟存取個Domain，所以電郵同密碼一定要記得。
步驟6: 輸入付款方式
除止信用卡之外，大家都可以用Paypal嚟購買，咁之後自動續約就會根據番你所填嘅付款方式收費喇。
呢一頁碌落少少就需要填寫地址，同揀番一啲Auto-Renew嘅設定，呢度建議大家剔番自動續Domain Registration同Free Domain Privacy，之後就可以再撳下一步。
步驟7: 付款前最後確認
呢一步主要係需要核對番所有資料有冇錯誤，包括註冊年期、付款方式等等，確認冇錯之後就可以Pay Now。
步驟8: 確認購買中
呢一個畫面其實只會出現一陣，跟住就會自動跳到去成功購買頁面。
步驟9: 成功註冊Domain
去到呢一步其實已經成功註冊同購買好個Domain，大家都應該會收到Namecheap寄出嘅E-mail確認你嘅註冊。要注意一點係namecheap喺幾日內仲會寄出一封關於登記ICANN同WHOIS資料庫嘅Email需要大家去做確認，因為每個Domain註冊都需要喺以上資料庫做登記，如果唔確認個Domain係會被暫時停止使用，所以大家記得Check E-mail。
Namecheap Dashboard簡單介紹
大家只要喺Namecheap Logo右邊條主Menu度撳Account，就可以開番Dashboard去管理番Domain。中間可以見到你擁有嘅所有Domain同佢哋嘅狀態同到期日，右邊揀番Manage就會見到下面嘅畫面。
呢度可以根據需要，改變Domain嘅DNS設定、Redirect設定、Domain分享/轉手、進階DNS設定等等。DNS嘅作用係令到街外人喺Browser打你個網站嘅網址之後，會成功連去個網站度。咁嚟緊我會去訂閱幾個Hosting(網站寄存)，試一次點將個Domain連去個伺服器畀大家參考。
