今次同大家介紹嘅住宿係Citizen M Hotel ，位點喺台北捷運：北門站附近，大概步行5分鐘就到北門站，15分鐘就到西門町，車都唔洗坐架！地點就腳係佢citizenM Hotel嘅優點，但講到賣點！一定係用ipad控制全間酒店房所有電器，由窗簾、燈、電視，到浴室特別燈光，無一唔係透過物聯網技術控制！
自助Check-in入住 門咭仲可以保留做行李牌
住客只要行入酒店就會見到有張枱放滿左自助check in/out嘅電腦，所有步驟都好清楚寫明點做，跟住畫面教學，唔洗5分鐘就可以拎到房咭！而入住邊個房間，就睇下各位預訂當日嘅空房情況。Raven當日入住就會有得揀望河景/望樓景，仲有高/低層選擇，最後揀左高層河景，被安排左喺13樓。
房間雖小 但係整潔具科技感
咁間酒店房就細細間，連洗手盤都放左喺浴室外，不過透過King Size嘅雙人床旁邊嘅窗望出去嘅景，無論日夜都係好靚！簡單講下間房嘅格局，門口入到嚟左手邊會有隱形衣櫃，裡面會有衣架同夾萬。
衣櫃隔離係洗手盤同鏡，所以洗面刷牙化妝都喺呢一個位做晒。
洗手盤對住嘅就係浴室連廁所，設計就係好似露營車嘅廁所咁，而浴室上面會有可以調整幾百隻色嘅智能led燈，由ipad控制。
再行入一兩步就會有枱同床，床腳有一塊長木板延伸出嚟，可以俾大家放下雜物咁。床尾嘅牆上面係電視機，所有娛樂就靠晒佢架喇，因為你可以用智能手機投射畫面到電視度睇，Android同iPhone都用到。
最後都係要提下個窗，除左大之外，夜晚會望到下面繁忙嘅車輛，日間睇可以望得清楚附近嘅城市。
善用物聯網科技 好似入左太空船咁
講到科技應用，citizen M Hotel房入面準備左一部iPad，佢控制到所有電器，包括左開關每一支燈(仲有得調較心情，喇叭會播埋音效配合埋燈光)、電視機播放影片、房間冷氣、鬧鐘、窗簾昇降，平板入面仲可以check航班資料，、天氣同酒店資料！
酒店餐廳酒吧之外 住客仲可以聯誼睇波
酒店大堂有一個旋轉樓梯可以上到酒店嘅餐廳，呢一層範圍都好大，除左有食野嘅餐廳，有飲野嘅酒吧，有傾計嘅梳化，仲有上網嘅電腦，睇波嘅電視。如果你夜晚怕悶嘅/想識下其他朋友嘅，不妨到呢度坐下。
citizen M Hotel地址：
citizen M Hotel台北整體嘅體驗唔錯，提醒各位男士剃鬚刀要到地下大堂問職員拎，而門退房嗰陣，門咭係可以自己keep番，因為佢其實係一塊行李牌，可以喺枱面拎條帶就可以索住行李，門咭背面仲可以俾你寫低自己嘅個人資料架！
立即訂房 citizen M Hotel
