如何選擇適合自己的VPN？VPN推介2020-秋

點樣揀最適合自己嘅VPN？

而家四圍都見到唔同嘅VPN廣告或者介紹，咁究竟係唔係個個都啱自己用？唔同VPN公司提供嘅服務又有咩唔同呢？如果用免費嘅又得唔得？如果想睇啲限地區嘅影片服務又得唔得呢？今次會同大家分析一吓揀選VPN之前要知道嘅資訊，等大家可以買到一個安全又適合自己嘅VPN。之後會介紹幾款針對安全，價錢又唔貴嘅VPN畀大家。

點樣揀最適合自己嘅VPN？可信性較高嘅VPN推介 Surfshark Mullvad VPN ProtonVPN VyprVPN

用途
每個VPN服務提供者都有佢強弱嘅地方，有啲VPN係比較著重跨區串流睇片(例如香港用戶可以連去日本Netflix睇日本區限定嘅內容)，有啲可能係畀用家BT(好多外國國家都視BT行為係犯法)，當然而家大部份VPN都有提供唔同嘅伺服器針對番以上嘅特殊用途。
速度
當用戶連上VPN伺服器嘅時候，無論你係用電腦定手提電腦，連線速度都一定會大打折扣，所以如果想提高平時嘅連線速度，電腦就當然係插Lan線會比用Wi-Fi快，手提電話普遍連Wi-Fi比用4G快。
另外，每個VPN都會提供唔同地方嘅伺服器，大家可以連上唔同地方嘅伺服器去測試連線速度，搵到一個最快嘅伺服器。
普遍嚟講，香港嘅用戶連上香港嘅VPN伺服器會係最快，但係如果太多用戶連線到同一個VPN伺服器，咁就可能令到連線速度下降。所以，大家覺得連線到VPN伺服器速度過慢，最好就係連多幾個伺服器比較一下。
連線安全
唔同嘅VPN都有使用各類型嘅安全措施，保障用戶嘅連線安全。例如唔同級別嘅加密方式，而比較常用到嘅加密方式係AES-128bit同AES-256bit，令到用戶上網期間嘅連線都變成亂碼，難以被有心人追蹤到。例子係「你今日食咗飯未」喺AES加密方式下會變成「SJOioslTBjcij=os$MqoXBVGsdg」咁。
個人私隱
每個使用VPN嘅用戶都想自己係喺安全嘅環境上連線到互聯網，而部份VPN由於係部份極權國家，冇人權可言嘅國家提供，咁佢哋提供嘅VPN，就梗係危險到極啦。
而部份尊重人權又尊用私隱嘅國家，除咗法例上受保障，連VPN伺服器設備都十分講究：例如利用RAM取代HDD嚟做伺服器嘅儲存裝置，咁每一次開關伺服器，所有資料都會自動清除；強調No-Logs，大部份VPN公司會聲明自己唔會紀錄任何用戶連線嘅資料，包括唔紀錄用咩設備連去邊一個地區嘅VPN伺服器，連線時上過嘅網/網購消費咗咩產品等都唔會紀錄。
支援裝置
最近網上推介嘅大部份VPN服務都支援唔同種類嘅連線設備，由電腦(Windows/Mac/Linux)、手提電話(Android, iPhone)、平板電腦、Router，到TV Box都可能支援到。
不過，多數VPN服務計劃都只係支援限量數目嘅設備同時連線，所以如果你係想同家人朋友分享就要留意一下。例如ProtonVPN支援X部設備同時連線。下面介紹嘅幾款VPN入面，Surfshark就係一個例外，佢支援無限設備數量，咁你身邊嘅所有朋友都可以Share呢個帳號嚟使用VPN服務喇。
其他 (收費, 試用及退費機制, 使用難度等等)
唔同嘅VPN服務有唔同嘅價錢，而且往往訂閱時期都係越長，每月月費就越平，所以大部份VPN服務都會提供試用/指定日期內無條件退款。
另外，手機APP或者電腦軟件係唔係容易使用都係一個重點，如果好難先設定到，唔熟科技嘢嘅朋友就可能容易放棄使用落去喇。

可信性較高嘅VPN推介

Surfshark

價錢：每月港幣$15.45(24個月港幣$370.8)
即將加價至每月港幣$19.2(訂閱1年送1年服務)
30天退款政策
最多同時連線設備：無限
阻擋廣告：可以
No-Logs, 支援絕大部份設備

購買連結：Link

相關文章：Surfshark VPN零硬碟化-安全度再提升

利申Raven由2019年開始已經係Surfshark嘅使用者，如果透過上面連結註冊，我都有極小分成，而一直保持低價嘅Surfshark為咗提升服務品質，都即將加價，睇吓大家把唔把握到最後嘅時間用低價買入啦。
SurfShark係近年冒起嘅其中一間VPN服務，係一間位於英屬維京群島嘅公司，唔係5眼/9眼聯盟，所以個人安全上受到更好嘅保障。
連線速度上係可接受範圍，睇片上網打機都冇好大減速/影響。而且近期將伺服器全面更新，換上RAM嚟取代傳統HDD(固態硬碟)，喺物理層面上，每次重新開機，入面嘅資料會自動清除，安全度大大提升。而且Surfshark嘅VPN係可以連線到唔同國家嘅Netflix，唔似部份VPN咁被Block。加埋內置CleanWeb功能，自動幫你阻擋大部份網上嘅廣告，上網每一頁都Load得快啲，不過Youtube廣告係Block唔到嘅。最後係有Kill Switch功能，用途係當你開咗呢個功能之後，如果你嘅電話/電腦冇連接VPN嘅時候，係冇辦法上網/連線嘅，咁就可以保障到你唔會因為Wi-Fi/手機網絡唔穩定重新連線之後出現安全隱憂喇。

↓撳個廣告可以支持大兄台繼續寫作↓

Mullvad VPN

價錢：每月歐元$5，約港幣$45.75
30天退款政策
最多同時連線設備：5
阻擋廣告：不可以
No-Logs, 支援電腦及手機平台

購買連結：Link

Mullvad係一間嚟自瑞典嘅VPN服務，佢每個月固定收費歐元$5，並冇好似其他公司咁買得多平得多。
除咗App之外，亦都可以透過OpenVPN 同 WireGuard嚟設定VPN連線。一樣係No-Logs，所以唔會紀錄你嘅連線紀錄。而Mullvad VPN 服務由Mullvad VPN AB 連作，背後係屬於Amagicom AB. 而兩間公司都係由兩位創始人Fredrik Strömberg 同 Daniel Berntsson100%擁有。

ProtonVPN

價錢：每月美元$8，約港幣$62(12個月約港幣$744)
30天退款政策
最多同時連線設備：5
阻擋廣告：可以
No-Logs, 支援絕大部份設備

購買連結：Link

相關文章：ProtonVPN宣布捐出7-8月收入撐港人抗爭

↓撳個廣告可以支持大兄台繼續寫作↓

嚟自瑞士嘅Proton VPN近月發表支持香港嘅言論，仲會將7-8月香港區嘅收益捐畀攬炒團隊，如果大家想用VPN，不妨一試呢間VPN。一樣提供Kill Switch、No-Logs、阻擋廣告、支援Netflix等等功能。
Proton VPN另一個特色係佢嘅伺服器喺部份國家由軍人保護，或者係處於地底，喺安全性上比其他VPN更強。