流動上網要求低一律建議轉台用儲值咭Plan一年慳過千

流動上網要求低一律建議轉台用儲值咭Plan一年慳過千
Photo by Firmbee.com on Unsplash

如果平時出街坐車,你只係碌吓IG、睇吓Youtube,可能你唔洗再用幾百蚊一個月嘅上台Plan喎!由上年開始,Raven將自己嘅上台Plan轉咗去3HK嘅DIY儲值咭計劃入面,一年嘅費用只係HK$270,仲有超過100GB嘅數據用,比起每個月畀百幾兩百蚊上台,數據量又冇多好多,上網速度又唔係快好多,最後一年慳得番嘅錢都過千蚊。如果嫌3HK網絡太差,其實仲可以搭配唔同嘅儲值咭(即將要實名登記嘅「太空咭」),又平又可以用唔同網絡做後備。

↓撳個廣告可以支持大兄台繼續寫作↓

點解用3HK DIY儲值咭計劃?

3HK DIY 儲值咭計劃
3HK DIY 儲值咭計劃

其實同自由鳥、SoSim、ClubSim呢幾款平價冇合約嘅月費Plan差唔多,最主要嘅分別都係採用嘅網絡、價錢、數據量、通話分鐘等等。下面整理咗幾個台嘅價錢畀大家參考:

3HK DIY儲值咭價錢
3HK DIY儲值咭年費
自由鳥月費
自由鳥月費
 SoSim月費
SoSim月費
Club Sim月費
Club Sim月費

上面幾個只有3DIY儲值咭係要以年嚟收費,其他幾個台都係以月嚟收費。而3HK DIY儲值咭同SoSim都係採用3台嘅網絡,自由鳥就係用Smartone網絡,Club Sim就用CSL網絡,最大連線速度都係4.5G 42Mbps,部份仲有指定時間有任用數據。另外就係上面呢幾個台嘅Plan都係免簽約,用戶隨時都可以轉走冇咩負擔。

由上年開始Raven就轉咗用3HK個DIY儲值咭Plan,一年只係HK$270,每個月平均都有10GB數據,對於冇咩特別要求嘅用戶其實真係慳唔少錢,橫掂吹到好快好勁嘅5G其實收貴咗之外,都唔係度度都收到5G網絡,喺Load空氣嘅時候,貴Plan同平Plan都係一樣。

更加醒嘅「太空咭」用法

網上評價3台嘅網絡好垃圾好廢,咁大家就可以去買張「太空咭」(其實香港好快都冇本地「太空咭」用,全部電話咭都要喺2022年3月1日起實名登記)。市面上都有唔少平價數據量又多嘅電話咭,好似ValueGB、3萬能咭等等。

↓撳個廣告可以支持大兄台繼續寫作↓

iPhone同Android都可以支援雙咭雙待,不妨咁樣慳番啲錢去做更多有意義嘅事啦。

各個計劃嘅官網連結

3HK DIY儲值咭官網

Club Sim官網

自由鳥官網

SoSim官網

↓撳個廣告可以支持大兄台繼續寫作↓