相信最近大家嘅Whatsapp都開始收到朋友Send過嚟嘅動態貼貼圖(Animated Stickers)，係咪想自己都整番套屬於自己嘅Stickers呢？大家睇完下面嘅教學相信好快都會學識點整動態Stickers！不過只有Android電話有自製stickers嘅能力，如果你本身係用Android機就冇問題啦，但係iPhone用家可以點呢？搵朋友嗰部/搵櫃桶底嗰部舊Android機整完Send番畀自己囉～
第1步：喺Android機下載啲冇用嘅動態Stickers
iPhone用家可以send啲動態stickers過去Android機度，呢啲官方stickers點樣下載到？可以點番之前嘅教學：Whatsapp動態Stickers你用緊未?
如果你嘅Android機已經有啲唔會用嘅動態Stickers，咁就可以跳過呢個step。
第2步：下載你想要嘅gif圖
由於暫時Whatsapp動態Stickers需要嘅格式係.WebP，咁大家可以喺用網上工具轉檔，將.gif轉做.WebP。所以大家可以先上GIPHY下載鍾意嘅gif圖，揀一張gif圖之後，長撳住張圖可以揀下載。
第3步：將.gif轉檔做.WebP
大家下載完一個gif圖之後，可以上EZGIF，喺工具列揀番「GIF to webP」，上傳啱啱下載嘅gif圖，上傳完可以撳「Convert to webP」，之後喺下面就會自動生成一張動態嘅WebP圖，大家只要長撳張圖就可以下載。
↓撳個廣告可以支持大兄台繼續寫作↓
第4步：複製可修改嘅動態sticker檔名
去到呢度已經完成咗一半㗎喇！大家要喺Android機上面用檔案管理員，打開Whatsapp/Media/Whatsapp Stickers，搵番一張可以修改嘅動態Sticker，長撳佢揀番更改佢嘅檔案名，之後複製佢個名。
第6步：將下載嘅gif圖改名
大家要搵番啱啱下載嘅gif圖，通常都放喺Downloads入面，之後搵番張WebP圖之後，都係長撳佢揀番重新命名，貼上番個檔案名。
第7步：用新檔案(sticker)取代原檔案(sticker)
大家將新改好檔名嘅webP檔複製去Whatsapp Stickers個file取代舊嘅Sticker。
第7步：清理Whatsapp cache
呢步好關鍵，大家需要將Whatsapp嘅cache(暫存)清理先可以確保一切成功。點樣清cache?
↓撳個廣告可以支持大兄台繼續寫作↓
- Android教新版本嘅朋友應該可以長撳個Whatsapp捷徑，揀番去應用程式設定，之後揀Storage(儲存)，之後揀Clear cache(清理緩存/暫存)，唔好多手揀咗隔離個制，因為會清晒成個Whatsapp，冇備份嘅人會後悔冇睇埋呢一句。
- 或者喺電話嘅設定搵番應用程式，搵番Whatsapp，之後揀Clear cache(清理緩存/暫存)，唔好多手揀咗隔離個制，因為會清晒成個Whatsapp，冇備份嘅人會後悔冇睇埋呢一句。
最終步驟：Send新嘅動態Sticker出去畀自己/朋友
當你完成晒上面所有步驟，跟住開番Whatsapp出嚟就可以見到本身喺對話入面個Sticker已經變咗樣，將Sticker加入最愛，就可以正常Send畀朋友㗎喇！