首爾唔同韓屋村都各有特色，今次同大家介紹嘅NAK WON 樂園驛就位於益善洞韓屋村，cafe中庭有一條廢棄火車路軌，環境正到好難忍住唔影相，而佢哋嘅蛋糕咖啡選擇都好多，休息夠喺周圍行下都可以影到唔少靚相。即刻睇下NAK WON嘅介紹啦～
去韓國旅行想畀錢/坐車方便？即刻睇韓國預付卡WowPass教學
伯爵茶朱古力蛋糕
今次叫咗一件伯爵茶朱古力蛋糕、一杯Peach Ade、一杯Hoji Latte，味道方面3樣都唔算好突出，全部都好普通…果然係一間食環境嘅cafe！不過環境上可以睇下面嘅相片，夜晚去係幾時有氣氛嘅！
cafe環境特色
如果喺附近食完晚餐之後想揾個地方坐下飲下嘢，夜晚經過NAK WON 樂園驛好易畀佢吸引到！喺cafe外邊就可以透過柔和嘅燈光見到有條小路軌。入到去就可以零距離喺上面影相，坐喺路軌旁飲嘢～
cafe餐牌&蛋糕display
喺香港真係好難揾到一間cafe可以提供咁多款甜品蛋糕，影相又好打卡又好，所有款佢都有放display可以畀你參考！
千祈唔好以為係實物就咁拎呀，唔係迴轉蛋糕喇架！睇啱可以望下蛋糕上嘅牌就知道佢係咩名，咁就易啲落單喇。
大家可以follow佢哋嘅instagram睇最新嘅消息。
