更新：好遺憾檸檬地圖已下架，希望大家以後仲識搵到想食嘅餐廳。另外，無論係飲食定係購物，可以多多考慮同支持本地小店🤧。祝大家平安。
大兄台介紹嘅良店：Link
檸檬地圖 – 簡單易用電腦電話都用得
檸檬地圖唔需要各位裝App，跳過咗App Store同Google Play，咁就唔洗擔心Apple同Google又用啲理由去下架任何同路人必備App啦。下面係電腦嘅畫面，電話畫面會窄身啲。下面有4個圖示，分別係搜尋(放大鏡)、食物分類(飯團)、收藏清單(心心)、關於(檸檬地圖介紹)。
咩係Web App呀？將個Web放入主介面當App用
其實Web App只係將一個網頁，放去電話嘅主介面，詳細方法係點呢？
iPhone用家：用Safari打開 lemonmap.io -> 揀「分享」 -> 揀「加至主畫面」-> 主介面就會多咗一個好似App嘅icon，之後撳入去就會開網頁上檸檬地圖
Android用家：用Chrome打開 lemonmap.io -> 揀「分享」 -> 揀「加至主畫面」-> 主介面就會多咗一個好似App嘅icon，之後撳入去就會開網頁上檸檬地圖
