No Log 港產VPN二千萬用戶資料流出

聲稱No-Log-港VPN供應商二千萬用戶資料流出

近日專門評價同研究VPN服務嘅外國機構vpnMentor發佈報告,指有7間香港註冊嘅VPN公司冇將用戶資料加密,而且相當容易取得,包括係:UFO VPN、 FAST VPN、Free VPN、Super VPN、Flash VPN、Secure VPN同Rabbit VPN。流出嘅資料相當廣泛,由用戶登入用嘅電郵同密碼、用戶網絡活動包括:設備ip、連線到vpn的伺服器ip、上網紀錄、網上購物紀錄等等。如果使用呢啲VPN,用戶會有咩損失?

↓撳個廣告可以支持大兄台繼續寫作↓

1.易遭網絡釣魚攻擊

image 4
各位可以上Have I been pwned網站查詢電郵地址有否曾於不同網站流出

用戶可能會經常喺電郵收到一啲假扮銀行/Payapl/Apple Send畀你嘅電郵,跟住你點擊入面嘅假連結,對方就有機會怎虛而入,控制你嘅電腦。其實早幾年Facebook都曾經流出過極大量嘅用戶資料,Adobe、500px、DailyMotion、Canva等等服務都流出過,Raven自己都有電郵地址曾經喺唔同網站嘅資料流出事件暴露過,如果你都想Check吓自己有冇中,可以上Have I been pwned 網站望吓,同埋最緊要記得定時改一個更複雜嘅密碼都可以保護到自己!
如果流出嘅資料更多,對方可能有你信用卡資料,可以透過網上消費係咁碌爆你張卡,可能你都有試過突然間收到估用卡消費嘅SMS,一日內不停畀人喺App Store課金,咁你好可能就係其中一位受資料流出嘅失害者。

2.有機會受網絡勒索

間間VPN都話自己No-Log,唔通間間都真係No-Log咩!要揀一間可信性高,對用戶資料十分重視嘅VPN對保護自己好重要。如果對方得到你嘅資料,想要脅你用錢嚟避開對方上傳你嘅資料去網上面、政府機構等等,好多時用戶冇其他方法唯有就範。

3.用戶有機會被捕

喺地球上唔係所有國家都尊重人權,有啲國家將VPN定為非法服務,無論使用定營運都犯法。普通用戶如果透過VPN連上互聯網犯法,上某啲網站更加可能犯咗顛覆國家政權罪,所以大家一定要小心選擇VPN。
如果大家想詳細睇吓vpnMentor嘅報告可以撳:連結

vpnMentor推介嘅VPN

  1. NordVPN (近日唔少Youtuber都賣緊廣告)(Raven試用過)
  2. ExpressVPN (連登有討論過,註冊公司背後係香港公司) (Raven試用過)
  3. Surfshark (Raven用緊)
  4. CyberGhost (公司背後嘅持有人係有份做電腦病毒) (Raven試用過)
  5. Private Internet Access (未用過)

大部份嘅VPN都有30日退款,所以大家可以試完再決定留唔留低繼續使用。如果大家有意買Surfshark,不妨利用Raven嘅連結,可以用85%OFF價錢購買:連結

資料來源:vpnMentor

圖片來源:surfshark, haveibeenpwned

↓撳個廣告可以支持大兄台繼續寫作↓