近日大家對網絡安全都越嚟越著緊，大家首先留意到嘅可能係買個VPN保平安，但係冇一個方法可以保證到100%安全，所以今日再同大家分享吓DNS設定方法。DNS全名係Domain Name System，年紀大嘅朋友可以理解佢為網絡版「黃頁」，未見過「黃頁」嘅年輕朋友，可以理解做你嘅通訊錄/電話簿。
延伸閱讀：國安法殺到嚟！VPN你買咗未？
點解DNS設定好重要？
簡單講就係你唔會想有第三者知道你聯絡過咩人，網絡上就係唔想畀人知你上過咩網址，你亦都唔想第三者畀個假電話號碼你，網絡上就係唔想上咗一個假冒嘅網頁。
其實無論你屋企用咩寬頻，電話用邊間網絡商，佢哋都會提供咗自己嘅DNS。即係「網上行」、「和記寬頻」都有自己嘅網絡電話簿；「CSL」同「數碼通」都有自己嘅網絡電話簿。
↓撳個廣告可以支持大兄台繼續寫作↓
例子：當你用電話好普通咁上 www.facebook.com，其實電話係文盲係睇唔明英文，佢呢個時候就要揭吓本「DNS電話簿」，查吓究竟www.facebook.com個IP係咩，原來佢個IP(可以當係電話號碼)157.240.7.35，之後電話就會帶你入去呢個網。
例子：當你想上www.facebook.com嘅時候，DNS被人控制咗/HACK咗/壞咗，你可能會上唔到Facebook，更加有可能畀不法人士導你去一個造到一模一樣嘅假Facebook頁面，咁你照樣登入，你就會洩漏咗自己嘅帳號密碼。你可能諗Facebook唔緊要啦，咁如果係銀行帳戶密碼你又會唔會咁諗呢？
如果DNS係屬於一個你唔信任嘅公司，咁你當然需要換一個安全嘅DNS服務提供者啦。下面會介紹幾個市場上可以取代香港網絡商DNS嘅免費DNS服務。
Open DNS by Cisco (免費)
主要DNS Server: 208.67.222.222 / 次要DNS Server: 208.67.220.220
↓撳個廣告可以支持大兄台繼續寫作↓
Cisco係世界其中一間最大嘅網絡設備同服務公司，可信性高。服務特點係高速，100％正常運行時間，默認情況下阻止釣魚網站等。
Cloudflare DNS by Cloudflare (免費)
主要DNS Server: 1.1.1.1 / 次要DNS Server: 1.0.0.1
Cloudflare係全球其中一個最大嘅CDN服務提供者，服務特點係速度快，著重私隱，即係佢唔會紀錄用戶瀏覽紀錄，亦都唔會透過賣出你嘅瀏覽紀錄賺錢。而Cloudflare仲有提供針對惡意軟體嘅DNS(1.1.1.2/1.0.0.2)同針對成人內容同惡意軟體嘅DNS(1.1.1.3/1.0.0.3)。
Google公共DNS (免費)
主要DNS Server: 8.8.8.8 / 次要DNS Server: 8.8.4.4
↓撳個廣告可以支持大兄台繼續寫作↓
Google相信大家都認識，佢都有提供DNS服務，不過著重個人私隱就唔建議大家用。
點樣設定DNS？
如果你識得設定屋企部Router，設定DNS其實唔難，只要去番Router設定嘅網頁，搵番DNS Address(DNS地址)喺主要同次要DNS填番想轉嘅DNS Server，再揀番完成就可以。
如果你唔識喺Router或者唔想喺Router層面設定，都可以揀番喺電腦度設定，下面放番Cloudflare嘅教學，去到最後填DNS，可以填番心宜嘅DNS服務就得：
