尋日Apple為iPhone提供iOS 14上市前嘅最後一個iOS 13更新，除咗都係Fix咗一啲Bugs之外，最主要係將「COVID-19 暴露通知」獨立成為iPhone內置功能，唔需要用戶另行下載App去使用呢個功能。去到呢度，大家係咪又驚Apple又想追蹤iPhone用戶，大家去到邊都畀人監察住，冇晒私隱呢？咪傻啦！下面同你解釋呢個「COVID-19 暴露通知 Exposure Notifications」係點運作，你就知其實同香港根本冇可能用到！
延伸閱讀：ios13.6.1(蘋果釋出iOS13.6.1更新-每月一update會唔會密咗啲？)
iOS 13.7更新
大家可以睇到iOS13.7喺設定頁入面，多咗「暴露通知」嘅選項，其實iOS13.5佢嘅位置係喺私隱入面。而家用戶唔洗另外安裝App就用到，而香港區並唔意外咁係用唔到嘅。
「COVID-19 暴露通知」係咩嚟同點運作？
首先，其實呢個追蹤功能並唔係開放畀所有App開發者，而只係開放畀各地政府嘅衛生組織/機構。就連美國都唔係每個州份用到呢個功能㗎！
↓撳個廣告可以支持大兄台繼續寫作↓
喺開通呢個功能之後，你嘅iPhone就會被分發一個不含個人資訊嘅藍芽身份(一串數字符號)，而且喺一段短時間入面會自動更新一個新嘅。跟住iPhone同其他附近嘅智能電話會感應到大家，如果當中有用戶曾經確診而又有使用呢個功能，咁你喺之後(並唔係即時)就會顯示一個訊息，指你曾經出現喺確診者附近同時間(視乎藍芽強度同準確度)，當中係唔會涉及地點/個人資料。
點解香港人唔洗驚畀「COVID-19 暴露通知」追蹤
上面提過呢個係需要當地嘅衛生機構或者政府使用，香港人先有機會可以透過呢個功能，而港共政府自己推行港康鹿、又有「資助」研發追蹤手環，呢啲先係佢哋搵錢嘅方法，咁又點會開通呢個免費功能畀大家用呢？
咁係咪唔怕畀人追蹤呢
你就想！而家正苦不斷推行全民檢測，加埋智慧燈柱呢啲唔同類型嘅嘢，想點追蹤你都得啦！
資料來源：Macworld