講咗好耐，喺上星期Apple發佈會都終於講今個星期會推出iOS14.5畀iPhone、iPadOS14.5畀iPad用家，喺美國時間星期一，即係香港嘅星期二凌晨都終於有得更新喇！今次更新可以話係有保障用戶私隱功能之外，又有幫到用戶喺經常要戴口罩嘅疲情期間容易啲解鎖嘅功能，立即睇下有咩更新咗啦！
iOS14.4更新文章：Link
iOS14.5主要更新
- 「App追蹤訪明度」功能：畀你控制邊啲App可以透過你安裝嘅其他App或者上網嘅時候追蹤到你嘅活動，從而向你投放廣告，或者畀資料中介人用(例如：廣告商)
- 配戴Apple Watch時為iPhone解鎖：將Apple Watch更新到最新版本，喺iPhone利用Face ID解鎖時候，可以為iPhone解鎖，當解鎖成功，Apple Watch會以震動提示已解鎖
- 支援AirTag同「尋找」：上星期Apple發佈會其中一件發怖產品就係AirTag，一粒鎖匙扣大細嘅藍芽裝置，將AirTag放到你嘅個人物品上面，就可以透過全球數以億嘅iPhone做搜尋網，幫你搵番唔見咗嘅物品。
- 全新Emoji
- 5G改善：iPhone12可以更慳電，更加慳data咁使用5G。支援雙SIM卡嘅型號而家可以雙SIM卡使用5G。
- 支援Xbox Serie X/S、Sony PS5 DualSense手制
- 電池健康度：iPhone11更新iOS14.5之後，電池健康度會重新較正「最大電池容量」同「高峰效能容量」，解決部份用家嘅健康度報告唔夠準確
「App追蹤透明度」功能介紹
Apple一直都好注重保護用戶嘅私隱，而今次嘅「App追蹤透明度」更加係好早就畀唔同嘅網絡廣告商、Facebook等公司投訴。咁呢個功能主要可以減少一啲廣告商透過你安裝咗嘅App/上網，追蹤到你嘅個人身份，針對你嘅搜尋紀錄/喜好/安裝App，從而投放一啲好似為你而設嘅廣告咁。可能大家唔知，每部iPhone都有一個獨有嘅device ID，而你上網嘅時候，瀏覽器都有自己嘅ID，上網過程又會建立咗一啲Cookies，而呢啲唔同嘅ID同Cookies就好似幫你做咗一個資料庫咁，知道晒你嘅喜好，廣告商就可以透過呢啲資料，更加精準咁投放廣告去你嘅螢幕入面。有時係廣告，有時亦都可能係針對你嘅假新聞，所以處理不善，你就可能潛而默化咁畀第三者影響咗。咁點先可以喺iPhone入面減少呢啲風險？
打開「設定」-> 揀「私隱」-> 揀「追蹤」 -> 「允許App要求追蹤」揀「開」或「關」
↓撳個廣告可以支持大兄台繼續寫作↓
打開「設定」-> 揀「私隱」-> 揀「Apple廣告」 -> 「個人化廣告」揀「開」或「關」
以上兩個設定都建議大家熄咗佢，因為可以減少其他公司收集到你嘅資料，如果你會想畀某啲App追蹤你，你都係可以打開，之後每個App都會喺你打開嘅時候彈出個視窗問你畀唔畀佢追蹤，就算揀咗畀，你都可以之後彈弓手番到上面嘅設定入面熄番。雖然冇話100%可以保護到自己嘅網絡私隱，但多一步好過冇咗呢一步。
資料來源：Apple
封面相片： Jason Dent on Unsplash
