太子良店：芳華絕代-型格環境食泰國菜
今次嚟太子本身係想食新川嘅米線同炸雞翼，點知咁啱佢冇開，所以就過嚟芳華絕代度食嘢。今次食咗兩碗泰國船麵，一碗係平日經常食到嘅牛肉版，另一碗係潮式口味版本，兩碗湯底一樣香濃好味，加上同樣有大量蔥同芫茜，所以除咗肉味濃郁之外，味道更加香。而潮式船麵有咩特別呢？除咗有有潮州白魚蛋之外，仲有墨丸同豬肉丸(貢丸)，啱晒唔食牛嘅朋友。而餐廳嘅裝修有別於平時食開嘅泰國餐廳，會比較似係酒吧，而餐廳其實真係有唔同酒飲，唔會見到泰皇張相，唔會見到傳統泰國裝飾物。 延伸閱讀：太子黃店-得意貓貓陪你食米線-新川美食深水埗黃店-泰好味泰黃店泰基隆-沙蛙啲給 芳華絕代 泰國菜黃店 芳華絕代 地址
太子良店_得意貓貓陪你食米線_新川美食
米線唔一定要食譚仔同三哥嘅，如果你想食好味嘅米線，就要嚟試吓太子站附近嘅：新川美食 。佢嘅雲南米線湯底水準好高，亦都有撈米線滿足一班撈麵控，除咗米線做得出色，佢哋嘅炸雞翼都做得相當好味！如果嚟食叫碗米線，唔洗叫好多餸嘅，最緊要加份炸雞翼！另外，鋪頭十分之乾淨，連廚房地面都完全唔會濕立立，因為小店入面住咗一隻為食嘅貓貓(肥仔)，睇佢身型就知平時胃口一定唔錯，貓奴一邊食地線一邊睇貓貓一定幸福度大增！ 新川美食 新川美食(太子店) 地址
