屯門良店：鬍鬚仔-屋邨商場都有好味漢堡包食
屯門本來都有幾間食Burger嘅黃店，但係開多間喺屋企附近點都好啲啦啱唔啱？鬍鬚仔喺友愛邨同安定邨中間嘅愛定商場，就算住市中心/置樂嘅朋友過嚟都好方便。小店鋪面都唔算細，坐滿人都有20個人㗎。而Burger方面全部即叫即做，款式又夠多，份量都好足，可以睇番文章入面嘅相片，想一口咬晒個包真係唔易，仲可能因為太多餡而食到倒瀉籮蟹咁，不過味道係唔錯嘅，下面食咗幾款最推薦係墨西哥脆辣雞堡同四式芝士牛堡，幾有特色。 其他漢堡包店推介：威威美食 (屯門) 嘉寶漢堡 (尖沙咀) 轉角見 (荃灣) 鬍鬚仔：足料burger抵食 講番啲漢堡包先，鬍鬚仔足足有12款唔同口味嘅Burger，大家有興趣可以去佢哋Facebook睇Menu，價錢由$30-50不等，加埋汽水同小食最貴都係加$22，以份量咁足嘅Burger嚟講真係唔錯。如果唔鍾意食牛嘅朋友更加可以試下佢哋幾款冇牛漢堡：照燒玉子雞堡、黑松露大啡菇堡、夏威夷堡。整體嚟講味道都係唔錯，唯一有意見係幾款漢堡食落都會太油，同埋太軟身。 鬍鬚仔 地址
屯門良店：隱啡-一啖咖啡一啖cake夠chill
屯門黃嘅咖啡店真係唔多，但係有心去支持，幾遠都要去啦啱唔啱先？今次介紹嘅隱啡喺何福堂輕鐵站附近，好啱各位去藍地水塘行山前飲杯嘢，又好啱喺紅橋食完黃店再行過嚟飲杯嘢。咖啡店地方細細，但係賣嘅唔只係咖啡，亦都有非咖啡飲品、花茶、特飲咁，仲有少少甜品同手足寄賣品。 隱啡：唔單止係一杯咖啡 可能呢幾年去coffee shop買咖啡變咗潮流，變咗做啲文青嘢，但係大家畀錢前望清楚係黃店先好幫襯，呢啲基本嘢請做足。加埋小店畀到你嘅從來唔止係一杯咖啡咁簡單，仲有人情味、有支持小店。 隱啡 地址
屯門良店：Food Combo-平價港式西餐又幾有特色
最近同屋企人去新墟一間黃店食飯，發現呢間Food Combo原來都幾抵食，一個Main Course跟嘢飲都係$70-90，如果Full Set嘅套餐都係百零蚊，有湯、沙律、小食同餐飲。食物方面，餐廳主要係食港式西餐，有唔同嘅意粉、意大利飯，最近仲有限定套餐係食龍蝦，有興趣嘅網友把握機會去食喇！餐廳環境都坐得幾舒服，店面又乾淨，最滿意係店員好有禮貌，值得一讚！ Food Combo - 簡單菜式一般味道 Food Combo 地址
屯門良店：尖茶-華都商場地下手調飲品良店
今次再介紹屯門華都商場嘅另一間黃店，尖茶喺地下嗰層，應該就喺轉角正下面，開咗都好一段時間㗎喇，不過人流感覺上唔算多，所以你睇到嘅話就去買杯嘢飲啦！如果咁啱去開華都食飯或者買小食，去埋尖茶買嘢飲就Perfect match囉，無論凍定熱飲都有得買，特別係佢熱飲唔係淨係秋冬先有，可能女仔每個月唔方便嗰幾日，都可以買到熱嘢飲！ 華都商場其他黃店餐廳：EGGY、轉角、水飯鏜、西麵、牛蓋、心思思美食店、東喜茶、堅韓燒、尖茶 華都商場其他黃店非餐廳：眼鏡巨人、泰 Ladies、執笠倉、EZ COAT、宏大通訊、YCT手機用品店、叢生森活、Pak Pak Park夾公仔店、Phonebox、星匯數碼 尖茶 - 全年都有凍熱嘢飲買
屯門良店：EGGY-華都新開好味韓式多士店(已結業)
屯門華都商場真係屯門人嘅福地，最近新開咗一間黃店由幾位年輕人主理，專賣韓式多士，每一份多士都係即叫即做，所以拎到上手每份都熱辣辣，多士用上嘅麵包就算烘過又脆又鬆軟，款式多達8款，總有一款啱口味，仲要真係好好味！如果你係蘋果新聞嘅客戶，仲可以Show番登記嗰一頁嚟減3蚊。 華都商場其他黃店餐廳：EGGY、轉角、水飯鏜、西麵、牛蓋、心思思美食店、東喜茶、堅韓燒、尖茶 華都商場其他黃店非餐廳：眼鏡巨人、泰 Ladies、執笠倉、EZ COAT、宏大通訊、YCT手機用品店、叢生森活、Pak Pak Park夾公仔店、Phonebox、星匯數碼 EGGY - 8款爆餡多士任君選擇 8款多士包括：煙肉泡菜芝士滑蛋吐司、豚肉泡菜芝士滑蛋吐司、漢堡芝士滑蛋吐司、香脆魚柳芝士滑蛋吐司、菠蘿蝦堡滑蛋吐司、牛油果芝士黑松露滑蛋吐司、煙鴨胸黑松露滑蛋吐司、炸軟殼蟹滑蛋吐司。每款即叫即做，仲會包裝得好靚咁送到客人手上，所以全個過程都十分滿足，加埋多士入面搽咗唔同嘅醬豐富咗味道。如果唔夠飽仲可以加小食/飲品，或者可以再幫襯同商場嘅唔同黃店啦！ EGGY…
屯門良店：超好味即叫即炸雞髀-很得輝(雞髀專門店)
人人都鍾意食熱氣嘢嘅我諗，今次介紹超邪惡炸雞髀畀大家，位於屯門新墟附近嘅：很得輝(雞髀專門店) 。平日排隊嘅人客超多，但係雞髀都係即叫即炸，所以拎到上手隻隻雞髀都熱辣辣，超好味！由於小店係外賣店嚟，如果各位係想食辣嘅，拎到雞髀嘅時候記得自己加辣粉，或者問負責人可唔可以幫手加。除咗雞髀之外，客人怕唔夠飽，係可以加小食/撈麵配做套餐嘅，另外仲有唔同嘅手沖飲品，揸車或者坐車入嚟都好方便㗎！ 很得輝(雞髀專門店) 炸雞髀 很得輝(雞髀專門店) 地址
