中環良店:Hero’s Friday-如果Burger都係英雄應該就係咁樣!(已結業)
香港都有唔少Burger黃店，分佈喺港九新界，想搵一間好食嘅一啲都唔難，就好似今次介紹畀大家嘅Hero's Friday，就正正喺中環街市同大館中間位，相當易搵。呢度嘅Burger種類都唔少，有最基本用美國牛肉做嘅傳統漢堡包之外，亦都有豬肉同雞肉嘅漢堡包選擇。當中漢堡包嘅名都係Hero's Friday嘅一個賣點，又有隊長漢堡，又有磁力漢堡，又有英雄漢堡，而且價錢已經包咗小食同飲品都幾抵食。但講到最特別嘅一定係呢度嘅Burger仲可以加錢將包轉做Panger，超邪惡呀！ 鳳凰漢堡 HK$60：塊雞扒超大塊 每一個Burger都係即叫即造，所以製作時間普遍都要十分鐘以上，而中環分店上層有少量座位供堂食之用，不過由於空間少比較窄，建議都係外賣方便啲。上面呢個鳳凰漢堡有超大超厚嘅雞扒，而且一啲都唔會硬，食落仲有少少juicy。另外同芥末汁同芝士生菜夾埋一齊，唔會覺得乾身難吞。 隊長漢堡 HK$72：I can eat it everyday…
觀塘良店:天園餃子-皮薄餡靚嘅好味水餃
嚟拜訪觀塘老母除咗體驗下塞爆駿業里，其實都有唔少好食嘅餐廳值得大家塞過嚟試下嘅！今次同大家分享嘅係近觀塘住宅區嗰邊嘅，係一間食水餃嘅餐廳：天園餃子。呢度嘅水餃，全部都係即日包，水餃皮造得好薄身，水餃餡都好多選擇，而辣菜甫都好香又夠辣，加埋一齊食都幾惹味！如果唔想去觀塘，其實土瓜灣同旺角都有分店嘅，下次想食水餃又多個選擇！ 天園餃子: 重量級餃子套餐(10隻水餃+小食) $56 如果一心想食餃子，可以叫個重量級套餐，一次過食10隻水餃，仲可以食多一款小食。上面嘅白胡椒雜菌豬肉餃，食落去胡椒味好濃好香，帶有少少辛辣嘅味道，但完全唔係辣嘅，所以唔食得辣嘅朋友都可以試下。水餃皮好薄身，而且口感完全唔覺得厚粉，亦都唔會好有粉味！而湯底係比較簡單嘅清湯，配上濃味水餃都幾好，唔會搶咗個味。而醉雞翼味道都唔錯，而且有3隻，以小食嘅數量嚟講都算多，每隻雞翼上面有一粒杞子，都係浸到好有藥味。 天園餃子: 輕量級餃子套餐(5隻水餃+小食) $48 而韭菜豬肉餃味道都唔錯，雖然呢度水餃嘅size唔算大粒，但係因為個皮夠薄身，個餡食落唔會覺得話唔夠多。如果想飽肚啲，當然建議大家叫個重量級套餐啦！而椒鹽茄子都應該係即叫即炸，上碟嘅時候熱辣辣，不過椒鹽味就唔算好夠，唔夠惹味，不過口感就係外脆內軟嘅！ 天園餃子: 自家辣菜甫 每一間好味嘅水餃鋪都有自己嘅菜甫，呢度都唔例外。而天園餃子嘅辣菜甫味道好香濃，辣味亦都好出，配上濃味或者淡味嘅水餃都好夾，加上呢度湯底本身味道都夠清，所以個菜甫就可以調番更刺激嘅味道。鍾意食辣嘅朋友可以試下，食唔到辣嘅朋友就最好淺嘗喇！…
尖沙咀良店:Plan B cafe-用港式叉燒做Burger原來可以咁夾
如果用一個人去描述Plan B cafe，就係一個外表係金頭髮白皮膚，但係可以講到流利廣東話嘅外國人，因為呢度係用咗好多唔同嘅港式飲食元素融入外國菜式入面。餐牌入面有啲食物名都好blow my mind，例如：麻婆豆腐意大利飯、蜜汁叉燒漢堡、魚香茄子意大利飯。叫得cafe當然仲有好多西式嘅食物啦，款式選擇都幾多，餐廳仲有兩層加上環境都幾好，過開去尖沙咀可以考慮下！ Plan B cafe: 蜜汁叉燒漢堡 $88 今次叫咗一份叉燒漢堡，叫味道都好驚喜，估唔到係咁夾。漢堡包好厚身，兩塊包都好軟熟，中間夾住好大塊蜜汁叉燒，肉質唔算好腍，但係味道的確唔錯。而叉燒上面仲有好多蔥同洋蔥，感覺有啲似食片皮鴨咁，但係夾叉燒原來都幾好，加埋一齊味道更加香濃。 Plan…
灣仔良店:尚青商號-CP值高味道正宗嘅台灣菜
武肺搞到香港人咁耐冇得去旅行真係好辛苦，成日都想食好味嘅台灣菜但又覺得味道爭啲？今次同大家介紹嘅尚青商號係喺香港暫時食過味道最好嘅台灣菜，無論係牛肉麵或者係拌麵，味道都好正宗，而且價錢一啲都唔貴，兩個人去食，人均都只係大概$100，加上餐廳環境幾整潔，所以十分推介大家拍拖或者同朋友聚會過嚟試下！ 尚青商號: 埔里花雕半筋半肉牛肉麵 $80 今次叫咗呢一碗係花雕湯味嘅半筋半肉牛肉麵，湯底嘅花雕味相當濃郁，藥材味都幾香濃，大啖飲完個湯都唔會覺得過鹹/味精重。而牛筋同牛腩都炆到好腍，亦都好入味。而麵條可以揀幼麵/手工寬麵，我今次就揀咗手工寬麵，睇落係一條刀削麵，但係口感好滑，亦都唔會黐牙。另外，跟餐仲有3小碟伴菜，有油炸鬼、酸菜同埋是日小菜，當日去食就係木耳，味道都唔錯。 尚青商號: 台式蔥油拌麵 $54 女朋友就叫咗一碗蔥油拌麵，鍾意食拌麵嘅朋友一定要試下，麵上面有嘅蔥、XO醬、蔥油，撈埋一齊之後幼麵都可以好好咁吸到啲調味，食落相當惹味。而跟餐仲2款小菜，當日就係木耳同醃蘿蔔，味道少少酸刺激下食慾。 尚青商號: 椒鹽炸拼盤 $54…
火鍋良店：616-世界各地靚牛部位想點食就點食
唔知大家有冇一種打邊爐癮呢，一年365日夏天定冬天都好想同一班朋友打邊爐，今次卒之有機會去616呢間火鍋黃店打邊爐！未入火鍋店喺門口已經見到張圖，寫明牛分咗好多唔同部位同每個部位應該淥幾多秒食，有好多名都幾得意，並唔係簡單一塊肥牛解釋到。叫嘢食全程用網頁，所以唔會話漏單，除非嗰款牛賣晒啦，不過真係賣晒店員係會行過嚟同番客人講。由於牛肉大部份都係急凍冰鮮牛，同本地牛味道一定有分別，不過口感方面，好可能嚟616先有得試。而佢嘅湯底以牛似火鍋嚟計，個清湯唔名佢個沙嗲湯吸引。之但係食牛肉火鍋，清湯都好足夠！ 616牛肉火鍋專門店 Facebook: Link 616：食牛唔係得肥牛 616賣嘅牛有好多唔同部位，下面每一碟牛都有一張單仔寫住佢係邊個部位，唔怕自己放入口都唔知係咩位置好貼心。而今次試過幾款牛嘅部位，印象中係橫隔肌、吊龍伴比較出色。 616 大角咀店-地址 由於新開張，Google地圖未有標示，所以下面放番大角咀大同新村，火鍋店喺地下大同新村大成樓地下H1A及H1B號鋪。
九龍灣良店：BEANS-CP值高食得開心嘅西式cafe
今次夜晚過咗嚟九龍灣德福廣場食BEANS，真心覺得呢個價錢，食物質素、餐廳環境都物超所值，係一個食黃店嘅高水準享受。加上九龍灣BEANS比其他分店優勝係店內有另一間茶飲黃店我想和你無所事事，大家可以加錢轉做佢哋嘅飲品，一次過幫襯兩間黃店！另外，九龍灣BEANS早餐外賣都好抵食，$30零蚊就有一份豐富早餐。另外，BEANS有同「謝曬皮」合作賣散水餅，款式都好過癮，打算辭職嘅你都可以留意下。 BEANS Official Website: Link 我想和你無所事事: Facebook BEANS 晚餐又多款又好味仲好抵食 今次同兩個好朋友食飯，一次過叫咗三份肉，有一塊牛扒、一份豬肋骨、一份豬手，勁大份勁飽，食到一半勁後悔😂。當中，牛扒5成熟夠軟身，肉味都好濃，加埋烘煎嘅味都好香；豬肋骨唔係平時食開用焗嘅方法煮，比較乾身，個汁係沙嗲味，略嫌肉有少少韌，個汁唔夠多；豬手味道唔錯，亦都好大份，係燒得太乾。 跟住叫咗3個唔同嘅cake，有件拿破倫，有件栗子撻，仲有一件「珍珠」，味道都唔錯。另外仲有叫咗三杯跟餐嘅嘢飲，同一份薯條，最後人均都只係$250，真係幾抵食喎呢個價，唔怪之得每次行過門口條隊都咁長啦！ BEANS…
大埔良店：Blue House-家庭式日式西餐
打開黃店地圖，大埔幾乎每個屋苑樓下都有黃店，而今次介紹嘅Blue House就喺比較近太和站嘅翠怡花園地下，感覺上好似一家人一齊打理一間餐廳，食物方面就比較似係日式西餐咁，味道唔錯，加上價錢唔貴，相信主打附近嘅居民。而其他區嘅網民除咗去啲比較知名嘅黃店，不妨行多幾步過嚟試吓，比起大埔墟同大埔中心，Blue House嘅位置相對人少，好有小區感覺，沿路行都好靜好舒服。 點搵黃店：香港良心GUIDE OR 終極黃藍地圖 Blue House - 小店都有出色味道 Blue House…
旺角良店：Little Fresh Cafe&Bar-好味隱世cafe
旺角唔少嘅餐廳黃店都唔喺地面，當你發現樓上又唔同類型嘅黃店，又真係想有時間逐間試晒佢。今次去咗Little Fresh Cafe&Bar，個大廈門口唔係咁易搵到，係喺好似後巷嘅位置出入。餐廳細細，所以並唔可以招呼好多客人，而食物主要係比較西式嘅菜色，叫咗份兩份晚餐同一份西班牙海蝦蛋餅，味道唔錯幾有驚喜。餐廳店員都好有禮貌，感覺佢哋想營造高級餐廳嘅服務，會細心解釋餐湯同部份食品嘅食法。不過可惜係香港好多人食飯嘅時候都會唔經唔覺講嘢好大聲，喺咁細嘅環境入面咁嘈係有啲啲辛苦嘅。 Little Fresh Cafe&Bar - CP值好高服務好好 今次食咗兩個Dinner Set分別係法式甜酒西班牙杜洛克豬肉眼扒配南瓜醬同香草慢煮雞胸配迷迭香莎莎，塊豬扒好軟熟，豬肉味都好突出；而雞胸一啲都唔「鞋」口，亦都好軟腍腍，味道同口感都超越咗佢個價錢。而碟上嘅薯蓉加入咗少少粟米粒，多咗一層口感。而份西班牙海蝦蛋餅味道都唔錯，比較似係較濃味，又炒得好有火喉嘅蝦仁炒蛋。 Little Fresh…
