長沙灣良店:contrast-人氣cafe超推介酸種麵包!
Weekend嘅時候你哋鍾唔鍾意出去行市集呢？其中一個定時喺假期或者節日都搞市集嘅D2 Place，大家有冇好好行吓附近嘅荔枝角/長沙灣有咩黃店食呢？今次去咗平時勁長人龍但keep住都有人排隊嘅cafe：contrast！由於喺正路邊，餐廳外牆又係大玻璃窗，所以環境都好光猛；座位都隔得算開，有普通方型木餐枱之外，仲有啲圓枱仔，整體設計都好舒服。而食物同飲品質素亦都好有驚喜，特別想同大家介紹個酸種麵包！玩上Pama Ham同新鮮無花果，外表同味道都一流！ contrast facebook contrast: 無花果巴馬火腿忌廉芝士酸種包 HK$82 上面呢份Sourdough真係好出色，麵包有手板咁大塊，上面鋪滿咗沙律菜、巴馬火腿、新鮮無花果同埋忌廉芝士。味道因為有巴馬火腿同cream cheese嘅鹹味，所以好開胃，而無花果甜甜地就中和到個鹹味，加埋個麵包外皮勁脆，麵包硬身帶酸味，整體唔會覺得太鹹，好好味！ contrast: All…
