iOS14.6更新登場!Apple Music用家即刻update啦!
繼4月嘅iOS14.5同幾星期前嘅iOS14.5.1更新，而家iPhone用家已經可以到設定入面更新iOS14.6! 今次嘅更新修復咗一啲效能上嘅bugs包括: (1)更新咗上iOS14.5之後電話效能有下降、(2)用唔到Apple Watch去解鎖iPhone (3)App 追蹤頁面部份App顯示灰色 等等。而今次嘅更新，最主要係 (1)為Podcast App新增咗訂閱頻道/個別節目嘅功能、(2)為Apple Music新增多個功能。下面再同大家慢慢解釋。 iOS14.6: 加入好多實用功能…
iOS14.5終於登場！點樣可以唔畀廣告係咁纏身…
講咗好耐，喺上星期Apple發佈會都終於講今個星期會推出iOS14.5畀iPhone、iPadOS14.5畀iPad用家，喺美國時間星期一，即係香港嘅星期二凌晨都終於有得更新喇！今次更新可以話係有保障用戶私隱功能之外，又有幫到用戶喺經常要戴口罩嘅疲情期間容易啲解鎖嘅功能，立即睇下有咩更新咗啦！ iOS14.4更新文章：Link iOS14.5主要更新 「App追蹤訪明度」功能：畀你控制邊啲App可以透過你安裝嘅其他App或者上網嘅時候追蹤到你嘅活動，從而向你投放廣告，或者畀資料中介人用(例如：廣告商)配戴Apple Watch時為iPhone解鎖：將Apple Watch更新到最新版本，喺iPhone利用Face ID解鎖時候，可以為iPhone解鎖，當解鎖成功，Apple Watch會以震動提示已解鎖支援AirTag同「尋找」：上星期Apple發佈會其中一件發怖產品就係AirTag，一粒鎖匙扣大細嘅藍芽裝置，將AirTag放到你嘅個人物品上面，就可以透過全球數以億嘅iPhone做搜尋網，幫你搵番唔見咗嘅物品。全新Emoji5G改善：iPhone12可以更慳電，更加慳data咁使用5G。支援雙SIM卡嘅型號而家可以雙SIM卡使用5G。支援Xbox Serie X/S、Sony PS5 DualSense手制電池健康度：iPhone11更新iOS14.5之後，電池健康度會重新較正「最大電池容量」同「高峰效能容量」，解決部份用家嘅健康度報告唔夠準確…
iOS14.4.1更新！Apple建議所有用戶立即更新！
大家可能好期待iOS14.5來臨，因為用戶終於可以選擇拒絕畀App不停咁追蹤、偷窺自己嘅使用習慣同私隱，不過可惜今日嘅更新只係iOS14.4.1。呢個只係百幾MB嘅更新，更新描述更加係寫住建議所有用戶更新，呢個做法相信好多iPhone用戶都未見過。其實今次嘅更新主要修復iOS系統入面一個叫做WebKit嘅核心漏洞，而iPhone入面好牽涉到上網嘅功能都同佢有關，包括Safari、甚至Firefox同好多唔同類型嘅瀏覽器，所以問題相信係屬於嚴重。 其實iOS14.4更新嘅時候，Apple已經修復一系列問題，詳情可以睇番iPhone用戶請注意！請你立即更新iOS14.4 請盡快更新 iOS 14.4.1 如果你本身已經更新到iOS14.4，咁你都會見到iOS14.4.1更新只係156.9MB，如果你係比較舊嘅版本用戶，咁個更新包可能就會比較大。 今次嘅更新針對咗WebKit嘅重大漏洞作出修復，防止一啲有惡意內容嘅網站透過呢個漏洞對iPhone傳輸一啲代碼，令到用戶可能被Hack。 詳情可以睇番 Apple官方說明
iPhone用戶請注意！請你立即更新iOS14.4
今日iOS14.4終於可以下載，之前傳過iOS14其中一個好重要嘅功能：用戶可以限制app追蹤，都會喺今次更新登場。而除咗修復部份iPhone12系列手機嘅bugs之外，最重要係iOS14.4修復咗3個有機會令不法份子hack入iPhone嘅漏洞！ iOS14.4官方更新摘要 首先睇番Apple有講畀大家知嘅更新內容： 相機app可以掃描細size嘅qr-code「設定」入面，用戶嘅藍芽設備進可以自行分類iPhone12系列手機嘅相機app會收到驗證通知修復咗iPhone12 pro影hdr相嘅假影問題打字延遲問顯 但係Apple冇同你講嘅內容先係最重要： 修復咗3個已經成為hackers經常攻擊iPhone用戶嘅漏洞詳細資料Apple承諾會喺之後嘅日子公開但係有幾多用戶受害就唔知 如果大家想睇詳細嘅source，可以上 TechCrunch ，當中提到iPhone嘅預設瀏覽器都係其中一個被攻擊嘅漏洞orz 立即更新iOS14.4 為咗自己嘅安全，咁多位iPhone用戶一定要立即更新iOS14.4！…
iPhone 12一次過出4部機仲用番6年前設計？售價港幣$5,999起(附預訂連結)
經歷咗罕有嘅延期之後，蘋果今年嘅新iPhone終於登場喇，仲一次過推出咗4部咁多分別有iPhone 12、iPhone 12 Mini、iPhone 12 Pro同iPhone 12 Pro Max，重點係全部都支援5G。由iPhone 6開始到iPhone 11嘅機身一直係用圓潤嘅邊框設計，今年iPhone 12全系列都換上2014年iPhone…
再同社會脫節－2020秋季發佈會：第4代iPad Air冇5G！Apple Watch SE賣兩千蚊！
今年Apple嘅秋季發佈會比往年遲，而且冇公佈萬眾期待嘅iPhone 12系列，換嚟嘅係第6代Apple Watch 、Apple Watch SE、第4代iPad Air、第8代iPad、同新服務Apple One。因為疫情影響，今年Apple發佈會同早前其他品牌一樣只係搞網上播片發佈會，而產品亦都同過去幾年嘅Apple發佈會一樣：冇新意。立即睇吓有咩啱你~ 第8代iPad：仲出不貼合螢幕想點 價錢：32GB-港幣$2,599(Wi-Fi)、港幣$3,599；128GB-港幣$3,399(Wi-Fi)、港幣$4,399 今年係iPad發佈第10年，而iPad亦都去到第8代，主要更新係換上A12 Bionic處理器，速度上比多數Windows…
蘋果釋出iOS13.6.1更新-每月一update會唔會密咗啲？
唔知大家有冇定時定候更新iOS嘅習慣呢？繼上個月Apple釋出iOS13.6之後，今日各位iPhone用家又可以去電話設定度更新最新版本嘅iOS13.6.1。今次主要係有少少bug-fix，包括：1.修正部份電話因散熱問題導致螢幕顯示偏綠嘅問題、2.修正儲存空間唔夠嘅時候，可能無法刪除閒置/不必要嘅系統資料檔案等。 如果你係由iOS13.6升級嘅話，更新檔應該都係109.4MB。其實更新最新嘅iOS版本喺部份用家眼中係新版會多bug啲，可能又唔穩定；但係Raven認為最新版本喺安全性方面點都會做得更好，就好似你部電話畀人用不法嘅途徑拎咗，佢想破解電話獲得你嘅資料，如果你用緊越舊嘅iOS版本，對方就越易用工具破解。相反，越新版本就越難被破解。 更新內容入面提到「暴露通知」嘅修正，主要係iOS13.6更新入面有一個新功能，開啟咗之後，如果附近有武漢肺炎患者到過/經過過，就會彈出提示。但強烈唔建議大家使用呢個功能，保障自己私癮。 有關iOS13.6嘅更新可以睇番：iPhone用家又有新update！iOS13.6公開下載
可能係末代Intel版?iMac 2020標配價錢不變卻有大升級
今年Apple宣佈將來會利用自家研發嘅ARM處理器取代Intel製嘅處理器，不過仲係開發緊嘅階段，所以今日發佈更新嘅iMac27吋同21.5吋都仲係用上Intel處理器，而27吋版本更加所有型號都換上Intel第10代處理器，另外所有型號都換上SSD嚟做儲存裝置，終於可以同HDD講BYEBYE！下面會再介紹有咩升級，如果有意換/升級/轉會嘅朋友可以留意吓~ iMac 2020硬件大升級但外表不變 首先大家要知道喺iMac2020嘅外表係同前幾代都冇分別嘅，不過硬件上就有唔錯嘅提升，下面會主要介紹27吋嘅型號，因為21.5吋版本好有可能會畀嚟緊年尾/下年年初嘅24吋iMac取代，而呢部24吋版本如無意外就會係採用Apple Silicon處理器，所以如果想買細尺吋嘅可以等多一陣。 iMac 2020 27吋版本有以下升級： CPU：所有27吋型號都升級做Intel第10代處理器，用戶可以加錢升級做最高Intel第10代Core i9處理器。 RAM：所有型號都會配備8GB Ram，呢度先提醒大家千其唔好喺Apple度升級Ram，因為自行升級Ram可以抵好多，如果有需要嘅朋友可以用下面嘅購買連結買：買32GB…
