荃灣良店：Diff Cafe – 小店咖啡食物都有高水準
荃灣除咗天橋真係好多，其實都仲有好多唔同嘅黃店小店，記住要分散消費，與其喺其中一間排晒長龍仲等，不如去幫襯一下人流比較少嘅小店啦！今次同大家介紹嘅Diff Cafe小店細細，但係就好值得大家去試下！除咗咖啡之外，呢度嘅食物味道都唔錯，推介大家嚟試下全素嘅經典千層麵，出面應該都冇咩地方食到㗎！小店附近比較多汽車維修嘅工房，可能大家行過嚟呢邊就要小心啲，不過周圍都乾淨唔需要擔心衛生問題。 荃灣其他黃店推介: 荃灣黃店：轉角見-又係好味漢堡包推介呀 荃灣黃店：韓閣-一間仲食到傳統韓國菜嘅韓式餐廳 Diff Cafe：食物唔錯份量唔大冇負擔 呢個牛油果醬軟殼蟹漢堡食落唔會好heavy，可能入面放咗牛油果醬同沙律菜，中和番炸軟殼蟹嘅熱氣感，味道整體都唔錯，軟殼蟹超大隻好似要喺個burger度爬出嚟咁！ 鍾意食千層麵嘅朋友一定要過嚟試下呢一個用全素嘅植物肉做嘅千層麵，除咗比較健康，味道一啲都唔會輸蝕畀用豬牛做嘅千層麵，另外跟餐仲有湯同咖啡㗎。 Diff Cafe 門外/店內…
屯門良店: Fantasy Coffee-裝修之後cafe大咗坐得舒服咗!
屯門牛每日番工放工咁辛苦，放假好應該畀自己放空一下，行入去屯門碼頭搵間cafe坐半日，其實真係幾relax！今日介紹嘅呢間Cafe：Fantasy Coffee 最近裝修過，租埋隔離鋪位打通咗，cafe嘅店面足足大咗一倍，座位又多咗，坐得又舒服鬆動咗，連cake嘅選擇都多咗！另外講個秘密畀大家知，呢度除咗咖啡之外，其實仲有好多唔同類型嘅嘢飲，仲要拎咗酒牌㗎！所以有啲茶、沙冰或者mocktail可以揀！ 一杯咖啡可以慢活幾分鐘 嘆一杯咖啡，你可以坐低就咁飲，又可以帶部電腦落去涼住冷氣咁hea一個晏晝。或者你可以買一杯外賣咖啡，拎出去海邊聽住浪聲咁飲都得，不過而家30幾度c嘅天氣，建議都係留喺cafe入面好啲。 其他屯門嘅cafe黃店： 屯門黃店：籃子咖啡店-行完藍地水塘必試cafe小店 屯門黃店：隱啡-一啖咖啡一啖cake夠chill Fantasy Coffee: 咖啡之外仲有好多選擇 最近天氣都真係幾熱，如果唔想飲杯熱咖啡，叫番杯沙冰慢慢飲真係超爽，一路飲一路都有啲頭皮發麻嘅感覺。比起飲咖啡係另一種享受。…
屯門良店：牧羊少年咖啡館-餐牌轉咗要試新嘢啦
今次再去牧羊少年咖啡館打算食番之前介紹過嘅「香炒泰國香椒膏鳳尾蝦意粉」，想知係咩可以睇番上個Post，但係原來最近個Menu轉咗已經冇得食番個意粉，所以今次介紹兩款新嘅菜式，味道一如以往幾好味，大家都可以去試下！同埋記得就係Menu定期會轉，所以大家定期去就可以食到新嘢喇！今次叫咗一塊Pizza同一份意粉，兩杯飲品之外仲叫咗個Tiramisu，想知佢哋咩樣同味道點就記得睇落去喇！ 牧羊少年：日式大阪燒風味煙三文魚薄餅 今次望下Menu有幾款Pizza都想試，最後叫咗呢份「日式大阪燒風味煙三文魚薄餅」，估唔到味道比想像中好，好鍾意呢一個配搭。Pizza面可以睇到有好多木魚碎、紫菜碎，仲有一塊塊嘅煙三文魚，白色嘅醬係日式沙律醬嚟，咁呢啲味道放埋一齊都應該幾香幾唔錯。但係大家可以望下Close-up張相，有啲黃黃哋色嘅醬將成個Pizza味道提升，呢個醬就係黃芥末。 另外叫嘅意大利粉味道都幾香，不過蒜味可以再勁啲就更好。但如果同之前食過嘅「香炒泰國香椒膏鳳尾蝦意粉」比就冇咁吸引。 牧羊少年咖啡館：飲品 兩杯嘢飲入面，左面嗰杯藍莓奶酪仍然好香好Creamy好藍莓。而另一杯新試嘅係蘋果蜜桃鮮打紅茶，唔會係死甜嘅蘋果味，因為係用咗紅茶，所以味道其實幾清新，係好好飲版嘅道地蘋果味綠茶。 牧羊少年咖啡館：Tiramisu 今次比起上次去食仲叫多咗份甜品：Tiramisu，用杯嘅造型裝住咗啲Tiramisu，味道上係正常水平，而個甜品酒味道幾香，而側邊插住兩條手指餅咁嘅蛋糕仔都會有少少甜品酒味，整體都算係正常水準。如果好想食Tiramisu嘅朋友，可以睇番之前介紹過嘅另一間黃店：旺角黃店：Black Coffee_惹味意粉配一件好味Tiramisu，味道更加正！
旺角良店：Black Coffee_惹味意粉配一件好味Tiramisu
繼上次同大家食過牧羊少年咖啡館嘅泰式辣椒膏炒意粉之後，就好想搵到一間都有呢種東南亞風味嘅意粉，所以就襯住嚟到旺角去試另一間黃店：Black Coffee。喺鋪頭外面排隊嘅時候，可以望到餐廳天花板嗰一張好大嘅黑旗。而食物方面，今次總共叫咗兩份意粉同一件Tiramisu。意粉雖然冇牧羊嗰份咁驚艷，但係今次兩份意粉味道都唔錯。最後嘅甜品成為今次最後畫龍點睛嘅重要部份。 泰色雞肉意粉 (不負責翻譯) 其實餐牌都係寫英文，所以菜色名Raven親自翻譯一下。呢份泰色雞肉意粉係有少少青咖哩嘅味道，味道都吸引，不過略嫌意粉煮得唔夠乾身，仲有少少汁喺底，口感上有少少失望。 黑蒜大蝦炒意粉 (不負責翻譯) 呢份黑蒜大蝦炒意粉味道都好香，食落黑蒜味都夠濃。加埋唔少洋蔥碎令到食嘅時候，除咗口感增加，連味道都會更加香。比起上面提到嘅泰色雞肉意粉更加值得推薦。但係如果要推介，Raven都係會推介牧羊少年。 Dirty Tiramisu 今次嚟Black Coffee冇試到咖啡，但係試咗佢個Dirty…
屯門良店：牧羊少年-咖啡之外泰式炒意粉超好味
屯門嘅牧羊少年咖啡館都好咗一段時間，唔知最近會唔會畀壽司郎吸晒啲食客呢。不過如果講吸引，今次同大家分享嘅真係最近食過最好味嘅意粉，而且呢個味道其他地方應該唔會食到，與其幫襯日本連鎖店，不如幫襯下本地黃店啦！今次夜晚去幫襯，客人唔算少，加上座位之間都有一定距離，只要嗰日冇大聲講嘢嘅客人，其實環境真係好舒服，加上食物味道都唔錯，係幾好嘅體驗。 食飽可以去另一間黃店買嘢飲：屯門黃店：尖茶-華都商場地下手調飲品黃店 香炒泰國香椒膏鳳尾蝦意粉 雖然牧羊少年啲食物賣相真係唔可以話好靚，鍾意打卡嘅朋友可能點影都好難影得靚，但係呢碟意粉就係近期食過嘅意粉之中味道最好味最吸引！用咗泰式辣椒膏炒嘅意粉聞落去已經好香，味道相當惹味，Topping有少少花生碎甜甜地中和番個辣味。而意粉旁邊都放咗4-5隻中size鳳尾蝦，口感彈牙唔會梅！ 拿破崙蕃茄野菌本菇長通粉 如果同上面介紹咗嘅泰國香椒膏鳳尾蝦意粉比較，呢份拿破崙蕃茄野菌本菇長通粉真係失色不少。食完充滿辣椒香味嘅意粉，呢份只有淡淡蕃茄醬味就太淡。不過味道其實唔差嘅，只係冇比較冇傷害。其實都係上菜之後先發現叫咗兩份意粉味道都係太相似，應該將呢份意粉轉做其他味道嘅菜式好啲。 蜜桃奶酪藍莓奶酪 今次咗兩杯飲品，因為夜晚唔想瞓唔著，所以冇叫到咖啡，最後叫咗兩杯唔同味道嘅奶酪。藍莓比較酸，比較開胃；蜜桃比較甜，奶酪入面有唔少果肉，口感比較好。 牧羊少年咖啡館加油 其實由牧羊少年咖啡館初初開已經有幫襯，味道都唔錯，不過之後分店慢慢增加之後，就覺得好似比起其他同類餐廳貴。但係最近再去食，就會覺得其他餐廳價錢都加到咁上下，而家反而覺得幾抵食，而且呢個價位呢個味道真係CP值高嘅！而家沙田分店冇開，要等到6月先會重開，希望其他分店可以幫補下，繼續做落去！ 牧羊少年咖啡館 屯門分店地址…
沙田良店：SUPINE-特色漢堡好味CP值超高！(已結業)
沙田經瑞廣場雖然距離新城市真係有段距離，但係如果你想食好味嘅漢堡包，又想支持下黃店就一定要嚟試下SUPINE！佢哋主要都係賣意粉、意大利飯同埋漢堡包，而當中最吸引嘅當然係幾款出面應該食唔到嘅特色漢堡，漢堡包好厚好大份，主菜同啲配料都超足料，味道都唔錯，最重要係幾十蚊已經跟埋薯條同飲品，價錢真係算抵食！與其去啲外國連鎖店排咁長隊等食，不如去幫襯多啲黃店啦！ 京瑞廣場其他黃店：沙田黃店：蒸廬-好味點心唔一定要去茶樓食 搵黃店記得上 LemonMap.io 檸檬地圖 正呀喂！SUPINE 日本咖哩滑蛋吉列豬扒漢堡 SUPINE嘅漢堡包Menu真係唔簡單，淨係漢堡包都有6款，有素嘅、有雞嘅、有牛嘅、有豬嘅，仲有魚嘅，總有一款啱你口味啩！詳細Menu可以睇番最下面嘅Menu相。今次食嘅係日本咖哩滑蛋吉列豬扒漢堡！唔係飯呀，係漢堡！睇圖應該都睇得出好厚好大份啦，所以想拎上手咁咬都唔易，可以搵張紙巾包住食又得，拎起刀叉切開一嚿嚿咁食都得，想點食就點食唔洗理人哋點睇嘅。味道方面，因為有滑蛋同咖哩豬扒，味道其實真係好香好好味，加埋其他配菜，好Fresh好正。跟餐可以揀要薯條或者湯，我就當然揀薯條啦！又粗又脆，比起出面好多薯條都好食！ SUPINE 珍珠帶子法式芥末忌廉汁意大利飯 都唔錯 呢個珍珠帶子法式芥末忌廉汁意大利飯唔算好傳統正宗嘅意大利飯，不過整體味道都OK嘅，個法式芥末唔算話好酸或者攻鼻，所以都可以接受。…
屯門良店：籃子咖啡店-行完藍地水塘必試cafe小店(已結業)
最近天氣時凍時涼，可能好多人都會選擇weekend去行山，咁啱屯門藍地水塘都叫做呃得下人，時不時都有人入嚟行，所以今次介紹一間行完藍地水塘一定要去試嘅cafe！行山友記得帶走自己嘅垃圾呀！今次分享畀大家嘅係位於藍地大街嘅籃子咖啡店，位置相當易搵，驚搵唔到都可以睇番下面嘅Google地圖。小店鋪頭唔算細，不過而家淨係可以每張枱坐兩個人，人多就記得耐心啲等位。鍾意飲咖啡嘅朋友亦都可以選擇外賣，而坐低食嘅朋友，一定要試埋佢哋嘅蛋糕同麵包喇！行完山補充體力吖嘛！ 籃子咖啡店官網有得訂咖啡豆：連結 鍾意咖啡嘅朋友一定要知！ 籃子咖啡店：件蛋糕好好味呀！ 藍地水塘其實好適合行山初哥挑戰，而且風景都唔錯，沿住山路可以遠眺大半個屯門，加上天氣好行完山都唔會覺得好熱濕晒咁。落山去飲杯咖啡食番件蛋糕，之後仲可以繼續坐車去元朗/屯門食其他黃店。而去到籃子咖啡店，首推下面有影到嘅松露朱古力蛋糕！味道超香濃，配上一杯cappuccino真係好正！ 籃子咖啡 地址
屯門良店：隱啡-一啖咖啡一啖cake夠chill
屯門黃嘅咖啡店真係唔多，但係有心去支持，幾遠都要去啦啱唔啱先？今次介紹嘅隱啡喺何福堂輕鐵站附近，好啱各位去藍地水塘行山前飲杯嘢，又好啱喺紅橋食完黃店再行過嚟飲杯嘢。咖啡店地方細細，但係賣嘅唔只係咖啡，亦都有非咖啡飲品、花茶、特飲咁，仲有少少甜品同手足寄賣品。 隱啡：唔單止係一杯咖啡 可能呢幾年去coffee shop買咖啡變咗潮流，變咗做啲文青嘢，但係大家畀錢前望清楚係黃店先好幫襯，呢啲基本嘢請做足。加埋小店畀到你嘅從來唔止係一杯咖啡咁簡單，仲有人情味、有支持小店。 隱啡 地址
