iPhone13發佈會前釋出iOS14.8更新
iPhone13發佈會前釋出iOS14.8更新-相信是iOS14最後一次更新唔知咁多果粉係咪都急不及待想快啲睇到今晚凌晨(9月15日01:00)iPhone13嘅發佈會呢，估唔到喺發佈會前一日竟然仲會更新iOS14，今次版本代號係iOS14.8，內容主要係一啲安全性嘅更新，蘋果官方亦喺更新公告度寫明建議所有用家更新。詳細更新內容將會喺下面正文再同大家分享。 iOS14.8更新內容 今次嘅更新大小係402.6MB(更新前版本：iOS14.7.1)，當中有個幾特別嘅位係今次更新icon唔再係以前嘅「設定」icon，而係寫住14，代表iOS14嘅icon。 更新內容主要係修復CoreGraphics同WebKit嘅漏洞： CoreGraphics方面，今次針對一啲惡意製作嘅PDF有機會導致裝置執行任意代碼，而呢個漏洞相信已經被廣泛利用 WebKit方面，亦係針對部份惡意製作嘅網頁有機會導致裝置執行任意代碼，而呢個漏洞相信已經被廣泛利用。 Source：蘋果 如果想保障自己，建議大家都係盡快更新最新版本嘅iOS，今晚Raven亦會緊貼iPhone13發佈會，務求畀到最新嘅資訊大家。
