大家買咗Domain Name(網域)之後，就需要進行下一步，就係租用伺服器作網頁寄存 (選購Hosting Plan)。由於WordPress係開源嘅軟件，而且互聯網上41%嘅網站都係採用WordPress建立，所以網上係有極多公司提供使用WordPress嘅hosting plan (網頁寄存計劃)，大家只要喺Google度搵下[WordPress Hosting] [Hosting]，都會見到好多唔同公司提供伺服器網頁寄存服務，例如：Hostinger、DreamHost、GoDaddy、WpEngine、SiteGround、BlueHost、Cloudways等等網站都有唔同嘅Hosting Plan畀大家選購，唔同網站唔同計劃嘅價錢都有平有貴，因為佢哋各自用唔同技術或者平台提供服務，下面會繼續同大家介紹。
延伸閱讀: 想買屬於自己嘅網址?註冊網域(Domain Name)購買方法+注意事項 & 到Namecheap購買/註冊Domain Name(網域)嘅廣東話教學
Hosting Plan-網頁寄存服務嘅主要分類
SiteGround、BlueHost、DreamHost、GoDaddy呢幾間公司都有提供名稱類似Shared Hosting、WordPress Hosting、Managed WordPress嘅Hosting Plan。
↓撳個廣告可以支持大兄台繼續寫作↓
WordPress Hosting同Shared Hosting類似，但係訂閱咗個服務之後就會預設安裝咗WordPress，其他功能基本一樣，所以價錢普遍會同Shared Hosting一樣。
Managed WordPress通常都係呢啲Service Provider一個價錢較貴嘅產品，功能上會係間公司為WordPress特別設定，效能上最好之餘，大多數都提供晒備份服務、更加穩定連線嘅優勢。
Hosting Plan主要差異
唔同嘅Service Provider嘅Hosting Plan入面附送嘅功能／服務都可以好唔同，有啲可能會用好少少嘅伺服器，速度就會快啲、有啲可能會幫你跟番免費SSL證書，附合Google對網站嘅要求、有啲可能會提供無限寄存容量、有啲可能用上SSD做儲存，效能上會較好、有啲可能會送免費備份，所以大家訂閱之前盡量比較晒唔同選擇會好啲。
各類型Hosting Plan 使用體驗
而Raven就先後用過GoDaddy同SiteGround。GoDaddy就係以前番工做一個project用過大概2年價錢比較平嘅Hosting Plan，體驗係網站速度同效能係比較低；SiteGround就係大兄台2017年開始就用，直至2020年頭都一直用緊佢嘅GrowBig Plan。Siteground同GoDaddy一樣用C-Panel作為伺服器嘅控制介面，所以都唔難上手。而佢用上Google Cloud嘅伺服器，網站速度同反應明顯快過GoDaddy。
↓撳個廣告可以支持大兄台繼續寫作↓
普遍Hosting Plan通病
上面提過幾間網頁寄存嘅Service Provider都有一個共通缺點，就係申請嗰刻嘅月費折扣令到價錢普遍好低。但係當要續約嘅時候，因為冇咗折扣個月費可能提升幾倍。以Siteground嘅GrowBig嚟做例子，新註冊係US7.99/月，但續約就跳到US$24.99，足足係3倍。所以如果決定用佢哋，建議第一次購買就盡量訂閱長啲年期，避開好快就要續約呢個問題。
大兄台嘅選擇
而大兄台而家用緊CloudWays，最大原因令我由Siteground轉會過嚟係速度同價錢。Cloudways本身係一個好似代理人/中間人嘅身份，佢提供咗AWS、Google、Vultr、linode、DigitalOcean呢幾間出名嘅伺服器，透過佢嘅平台介面可以簡單化咗控制唔同伺服器設定嘅動作（因為咁所以Cloudways收費貴過自己去AWS呢啲網站基本收費）。Cloudways可以畀用戶自行按需要選擇伺服器嘅硬件規格，比起好多Shared Hosting/Managed WordPress都透明。而且每月月費都係按番硬件用量作最高收費，所以每月月費都好透明，唔會出現續約就貴幾倍。
嚟緊Raven會盡量從上面幾間Hosting Service Provider用最平嘅Plan去試用，分享由訂閱到安裝WordPress嘅步驟畀大家，希望大家睇完可以對網頁寄存有個基本概念。