【優化手機上網】8個隱藏功能令Chrome更好用

用得Android手機嘅你，應該都係用Chrome做主要瀏覽器上網用，而且Raven身邊嘅iPhone用家為咗同電腦嘅Chrome同步，放棄Safari選用Chrome，但係原來Chrome有好多隱藏功能，可以大幅改善平時上網嘅體驗。而我哋唔需要下載任何其他Apps或者Plug-ins，只要喺手機版嘅Chrome入面打開Flags嚟打開所有隱藏功能。

咩係Flags？點樣開出嚟？1.Chrome Duet – 改善Chrome主介面排位 2.Sneak Peek – iPhone式預覽網頁 3.Dark Mode – 護眼必用暗黑介面 4.Horizontal Tab Switcher – 改善轉換分頁嘅操作手勢 5.Hide recommended articles – 隱藏Google推介文章 6.Scroll Anchoring – 唔洗再向下碌多次 7.Parallel Downloading – 加快下載速度 8.download-home-v2 – 優化下載頁面

咩係Flags？點樣開出嚟？

Chrome Flags係Google建設Google Chrome嘅時候，一啲測試緊、可能會加入未來版本等實用嘅功能。如果要打開Chrome Flags頁面好簡單，可以喺網址列輸入 chrome://flags 。呢度會list out晒所有「隱藏功能」，下面會分享幾個實用功能，畀大家有個更好嘅上網體驗。
如果大家覺得啱用，只要大家copy下面分享嘅網址，放喺手機Chrome個網址列再進入呢個網頁，畫面就會顯示嗰個Flags嘅介紹，下面有個位畀大家揀”Enable”，之後將個Chrome重新啟動就用得。

注意：建議各位Enable咗任何一個Flags之後都重新開一次Chrome。同埋唔係每部手機都可以啟用所有Flags。

1.Chrome Duet – 改善Chrome主介面排位

Flag URL: chrome://flags/#enable-chrome-duet

↓撳個廣告可以支持大兄台繼續寫作↓

1.Chrome Duet 改善Chrome主介面排位v1 - 【優化手機上網】8個隱藏功能令Chrome更好用

【優化手機上網】11個隱藏功能令Chrome更好用v2 - 【優化手機上網】8個隱藏功能令Chrome更好用

近年嘅手機螢幕越來越大，但係Chrome手機版的工具列預設偏偏喺介面頂部，對手細嘅人或者唔方便兩隻手同時用手機嘅時候就好唔方便喇！咁各位可以嘗試上面嘅Flags，使用之後可以將網址列同工具列分開，工具列嘅位置會放喺介面底部，平時要進入書簽、分享網頁都會更加方便。

2.Sneak Peek – iPhone式預覽網頁

Flag URL: chrome://flags/#enable-ephemeral-tab

2.Sneak Peek iPhone式預覽網頁v2 - 【優化手機上網】8個隱藏功能令Chrome更好用

呢個功能比較似iPhone嘅預覽訊息/網頁，又或者可以話係Instagram長按圖片預覽內容咁，唔洗正式打開個網頁等。啟動咗呢個Flags後，長按想睇嘅內容，彈出嘅選單會多咗「預覽網頁」呢個新嘅選項，之後介面下方會顯示該網頁，你可以各上拉開閱讀入面嘅內容。

3.Dark Mode – 護眼必用暗黑介面

Flag URL: chrome://flags/#enable-android-night-mode

↓撳個廣告可以支持大兄台繼續寫作↓

3.Dark Mode 護眼必用暗黑介面v1 - 【優化手機上網】8個隱藏功能令Chrome更好用

3.Dark Mode 護眼必用暗黑介面v2 - 【優化手機上網】8個隱藏功能令Chrome更好用

有時夜晚喺冇咩光嘅情況下，螢幕介面主要顯示白色對眼睛真係唔好，長時間睇仲會攰，又可能受到更多藍光影響，繼而又可能冇咁易瞓著，影響相當深遠。而Google嘅影片平台之前就已經開放咗「暗黑模式」畀大家試用，其實Chrome都可以做到！啟動之後，Chrome嘅介面就會轉為黑色，除咗外觀變得型格之外，如果你手上使用嘅手機係OLED螢幕，有機會仲慳到電。