又到一年一度嘅Black Friday，今年都係會大家分享有咩Board Game同一啲值得留意嘅抵買產品。今次除咗會分享一啲美國Amazon抵Deal之外，仲會分享日本Amazon有咩Raven睇啱嘅！
網購Tips: 喺Amazon網站左上方選擇送貨地址設定做香港，可以睇到直送香港係唔係免運費；如果睇唔到產品價錢，就需要將送貨地址設定為美國地址，再利用美國集運寄返香港，有機會再寫篇使用教學。而日本網購就一定要用到集運，Raven推介大家用Buyandship，規模大比較可靠，加上自己都用咗幾年，so far冇出過事，所以大家可以試吓。註冊嗰陣可以填我個referral code：3756658850，完成第一次集運可以一齊拎到20蚊運費～
Black Friday 2023 Board Game優惠
跟據過去幾年嘅經驗，board game類嘅優惠好有可能會集中喺11月尾，即係感恩節(11月23日)、黑色星期五(11月24日)至週末期間，大家可以將呢篇文章bookmark定到時再返嚟望吓價錢，或者直接將盒board game放入購物車先都得。大部分Board game都可以免運費直送香港，無需用到集運。
Terraforming Mars (US$59.99)可直運
呢盒殖民火星係一盒策略型嘅桌遊，適合1-5名玩家遊玩，以合作嘅形式喺火星上進行各類嘅發展，打造一個適合人類居住嘅星球。上年入手後都寫咗篇教學，有興趣可以睇吓：Terraforming Mars 殖民火星教學-體驗發展外太空星球
英文版喺香港賣接近600蚊，美國Amazon減價後會更抵買，而且可以免運費直送香港
保護好卡牌記得買埋卡套(63.5mm x 88mm x 233張)：立即購買64mm X 89mm卡套
7 Wonders (US$39.99)可直運
七大奇觀係一款好適合一班朋友互相陷害大家嘅對戰桌遊，每名玩家喺發展自己城市嘅同時，要兼顧鄰近城市嘅軍事挑戰，同埋經濟合作等，遊玩人數可容納3-7人遊玩，人越多變數就越多。詳細玩法可以睇以下嘅教學：7 Wonders 七大奇蹟-化身古文明打殘鄰國?
如果你已經擁有呢盒又好鍾意玩，不妨買埋 雙人遊戲版: 7 Wonders Duel，更加容易開始到遊戲。
保護好卡牌記得買埋卡套(65mm x 100mm x 148張)：立即購買65mm X 100mm卡套
Splendor Marvel 特別版 (US$27.49)可直運
Splendor 璀璨寶石係一款經典嘅4人桌遊，如果你已經玩過或聽過，不妨買一盒Marvel特別版，遊玩嘅基制一樣，但係所有卡牌都換成Marvel漫畫角色，遊戲節奏更加明快。詳細玩法可以睇以下嘅教學：Splendor璀璨寶石-Marvel版-鬥快搶無限手套救地球
保護好卡牌記得買埋卡套(63.5mm x 88mm x 90張)：立即購買63.5mm X 88mm卡套
Wingspan (US$44.99)可直運
呢盒之前Raven都入咗手，遊戲性都幾好，適合1-5名玩家遊玩，利用鳥類研究員嘅背景，遊戲嘅卡牌、道具都做得相當精美。詳細玩法可以睇：Wingspan展翅翱翔教學-原來雀仔主題桌遊都可以咁好玩
保護好卡牌記得買埋卡套(57mm x 87mm x 212張)：立即購買57.5mm X 89mm卡套
Ticket to Ride (US$27.47)可直運
呢盒Ticket to Ride鐵道任務 簡單易學，好啱初初接觸board game嘅朋友，透過興建最長嘅火車路線為目標，中途可能可以影響到其他人嘅路線，一步攪和朋友嘅佈局都幾過癮。詳細玩法可以睇：Ticket to Ride 鐵道任務-唔好擋我條路呀!
下面放晒以上嘅推介同其他近年都好高人氣嘅Board Game作品購買連結，所有透過美國Amazon連結成功完成購買都有機會為大兄台帶嚟些微回報，多謝支持。
其他Amazon Board Game 優惠
Black Friday 2023 日本Amazon優惠
除咗美國Amazon買board game比起香港抵之外，日本Amazon都有唔少產品係比起香港更平，有啲仲未必咁易買到。如果大家用Buyandship集運，只要登記咗戶口就可以拎到日本倉庫地址收件，之後就可以簡單集運返香港，詳細可以上返Buyandship官網睇睇。
Feather 日本製特撰安全剃刀 ¥16000 (要集運)
唔知各位男網友平時用咩剃鬚Raven自己係有用開Schick 5刀片嗰啲剃鬚刀同Braun5系電鬚刨，不過前者易刮親出血，後者又唔夠好乾淨，所以就想試吓近年多啲人推介嘅安全剃刀。呢把係日本製嘅，感覺上都值得一試，同一個牌子仲有啲平價選擇。
Maestraudio MA910SR IEM ¥14400 (要集運)
最近整爛咗隻舊嘅有線耳機IE40-Pro，所以上網揾過有咩around HK$1000嘅IEM推介，見到呢隻日本brand，仲要日本製造！香港代理價賣緊HK$960，而日本Amazon只係HK$750，所以就買咗一隻試吓，嚟緊到手之後就開箱同大家分享試聽感覺。
Gadgets Black Friday 2023 優惠
同上面嘅Board Game優惠唔同，Gadgets嘅優惠如果用香港地址做收貨地址，通常會顯示Unavailable，呢個時候記得填個美國郵遞區號，將地區轉返做美國先可以正常睇到商品價錢。所以呢個時候又係要用Buyandship嘅美國倉庫地址收件，再透過佢哋寄返香港。最近喺美國Amazon再買多部iPad Mini都好成功，冇經歷過連登用家講嘅ban account問題，而之前Raven都用過佢哋代購Best Buy嘅Macbook Pro，個人用落都比較有信心。
Macbook Pro M3 2023 US$(要集運)
今年新出嘅M3 Macbook Pro已經做緊特價，所以唔好喺香港買可以輕鬆慳到過千蚊。
M3 14吋: 8-Core CPU, 10-Core GPU, 8GB Ram, 512GB SSD版 US$1449 (美國買慳HK$1700)
M3 14吋: 8-Core CPU, 10-Core GPU, 8GB Ram, 1TB SSD版 US$1649 (美國買慳HK$16XX)
M3 Pro 14吋: 11-Core CPU, 14-Core GPU, 18GB Ram, 512GB SSD版 US$1799 (美國買慳HK$19XX)
M3 Pro 14吋: 12-Core CPU, 18-Core GPU, 18GB Ram, 1TB SSD版 US$2249 (美國買慳HK$14XX)
iPad Mini 6 US$399.99 (要集運)
有留意iPad嘅朋友應該知道冇幾耐之前Apple更新咗iPad 2022，價錢提升咗唔少。如果細螢幕更加吸引你，可以考慮吓減價已經一段時間嘅iPad Mini 6 (2021版)，價錢只係US$400，比香港買足足慳800蚊。
第二代Apple Pencil減價至US$82，而家改返原價，大家都可以密切留意住。
下面放晒以上嘅推介同其他值得入手嘅減價商品購買連結，所有透過美國Amazon連結成功完成購買都有機會為大兄台帶嚟些微回報，多謝支持。
