Wingspan展翅翱翔-原來雀仔主題桌遊都可以咁好玩!Board Game分享
Board game唔係嚟嚟去去都係得一堆卡，一堆粒粒同一塊板咁悶嘅！今次同大家介紹嘅桌遊《Wingspan》中文譯名：展翅翱翔，遊戲用鳥類研究做背景，所有道具、卡牌插畫都同雀仔有關，相當精美。不過千祈唔好畀咁靚嘅外觀呃到，遊戲好講求策略同卡牌連動，鍾意用腦嘅朋友一定會覺得好玩！
Black Friday 2022 Amazon有咩抵買？Board Game+Gadgets篇
過去兩年都同大家分享過Amazon嘅黑色星期五抵買嘅減價嘢，今年都唔例外會搵啲Raven覺得值得入手嘅減價折扣畀大家。如果你有啲Board Game一路唔拾得買，不妨留意吓今個月有冇減價。而2022年嘅Black-Friday正日係11月26日，不過唔少產品已經開始推出咗Early Bird早鳥優惠！（有興趣睇返2020年同埋2021年出過啲咩，可以Click入去參考吓） 網購Tips: 喺Amazon網站左上方選擇送貨地址設定做香港，可以睇到直送香港係唔係免運費；如果睇唔到產品價錢，就需要將送貨地址設定為美國地址，再利用美國集運寄返香港，有機會再寫篇使用教學。 Board Game Black Friday 2022 優惠 跟據過去兩年嘅經驗，board…
Board Game推介: Exploding Kittens 爆炸貓-朋友梗係用嚟陷害啦
Exploding Kittens 爆炸貓最刺激嘅位係5名玩家只可以活1個，所以過程入面每名玩家都要善用手上嘅卡，盡量避免自己抽中「爆炸貓」，好啱成班朋友聚會嘅時候玩，一齊同班朋友自相殘殺啦
Board Game推介: Terraforming Mars 殖民火星-體驗發展外太空星球
比起好多而家流行嘅Board Game唔同，Terraforming Mars嘅遊玩時間長，但係屬於少有可以單人遊玩嘅Board Game，玩法融合輪流抽牌、放置板塊，最後計算分數。呢個係一套既可以合作，又可以互相競爭嘅遊戲，如果大家入手前/後想知點玩，都可以睇下面嘅分享。
Board Game推介: 7 Wonders 七大奇蹟-化身古文明打殘鄰國?
簡單幾句介紹呢盒 7 Wonders 有咩咁吸引：遊戲速度同節奏快，熟習咗之後一場大概20分鐘；遊戲透過抽卡帶嚟更多變化，加上需要同左右兩邊玩家戰爭，增加遊戲趣味；而且遊戲道具同卡牌設計相當精美，好值得收藏
Board Game推介：Splendor璀璨寶石-Marvel版-鬥快搶無限手套救地球
Splendor璀璨寶石係一款比較經典嘅Board Game，但係加入咗Marvel嘅故事背景同角色，同朋友玩可能就更加容易代入，呢個亦都係Raven入手-Splendor璀璨寶石Marvel版嘅其中一個原因。成個遊戲嘅玩法都好易上手，但係當中都有唔同嘅策略元素，而且Marvel版嘅玩法比原版有少少改變，所以一場嘅時間(4人遊玩)都係40分鐘內可以完場，少人玩就再快啲，好適合情侶或者幾個朋友一齊落場切磋。下面就會分享一下遊戲嘅內容同基本玩法，希望解答到遲遲未入手嘅朋友唔少疑問。 遊戲內容(道具) 盒入面其實唔算多道具，可以見到有一份說明書、唔同嘅寶石代幣，同一疊卡牌，下面會同大家簡單介紹一下唔同嘅道具。 最上一行：無限手套牌(勝利條件)，復仇者牌，地點牌 中間一行：一級角色牌(綠色)，二級角色牌(橙色)，三級角色牌(藍色)，時間寶石代幣(綠色)，SHIELD神盾局代幣(灰色) 最底一行：空間寶石代幣(藍)，靈魂寶石代幣(橙)，力量寶石代幣(紫)，現實寶石代幣(紅)，心靈寶石代幣(黃) 地點牌總共有4張，兩面分別有唔同地點，比較多人熟悉應該係Thor嘅故鄉-Asgard，黑豹嘅故鄉-Wakanda，銀河守護隊都去過嘅Knowhere。 遊戲最終嘅目標就係用6粒寶石換成End Game嘅無限手套，經過每一回合大家嘅動作，夠16分就有機會獲得勝利！ 6款無限寶石都係籌碼咁嘅造型，每一粒都有啲份量，質感都唔錯，而灰色嘅就係代表神盾局嘅代幣。遊戲入面全部動作都圍繞住玩家點樣儲無限寶石，同利用寶石去換唔同嘅英雄牌，務求成功獲得16分。下面會分享一下遊戲嘅設定。 遊戲設定…
