早幾年政府同通訊局唔發牌畀HKTV曾經令好多香港市民失望，但大家之後仲係繼續睇CCTVB啲廢劇定自尋出路呢？香港由2019年6月開始，三色台亂作新聞、成為政府同藍絲公開挑戰全香港市民嘅媒體，引起網民呼籲廣告商停止喺呢種電視台落廣告。Raven就認為每個人都有責任減低CCTVB呢種咁嘅電視台喺香港繼續禍害家人，所以今日就介紹幾個平台畀鍾意睇劇睇片嘅人！(下面介紹嘅只有正版渠道，尊重知識版權唔睇翻版)
Netflix – 夠多原創作品
Raven女朋友本身有訂閱Netflix，所以我成日都用佢嘅ac嚟睇。Netflix可以喺網頁、手機應用程式、智能電視應用程式、Android TV或Apple TV收睇。Netflix用戶亦可以因應唔同嘅功能需要，選擇訂閱唔同嘅收費plan：
Netflix嘅內容最要分為「TV Shows / 節目」同「Movies / 電影」， 大家可以去官網申請試用嚟望吓內容啱唔啱大家。Netflix所有內容都有中文字幕，所以就算睇美劇都唔怕！而《粉紅救兵》《Stranger Things》《Sex Education》《李屍朝鮮》，會唔會吸引到你呢？
hmVOD – 夠多免費電影
HMV執笠之後，hmVOD轉個頭又出現咗，用戶可以喺網頁、手機應用程式、智能電視應用程式(Samsung, LG)、Android TV等平台收睇。收費方面亦都算係今次介紹入面最複雜嘅平台，喺hmVOD官網有部份電影係免費收睇嘅，但係亦有「登記會員免費」、「單點」等內容，可以睇吓佢官網點寫收費：
↓撳個廣告可以支持大兄台繼續寫作↓
hmVOD內容主要係電影，有少部份係劇集、兒童內容，只要登記成為會員(免費試用期結束後每月只需$88)就可以睇埋「會員免費睇」嘅內容。
Viu – 夠多韓劇日本動畫
如果鍾意睇韓劇或者動漫，呢度要推薦大家睇Viu，完全免費㗎！黃Viu可以喺網頁、手機應用程式、指定智能電視應用程式(暫時我Samsung電視可以裝)中收看。Viu嘅內容包括咗：大量韓劇、大量日本動畫、少量中日台劇，仲有啲劇集以外嘅內容。
韓劇方面，#呂珍九 同 #IU 嘅《德魯納酒店》、#金香起 同 #邕聖祐 嘅《18歲的瞬間》都有，成個韓劇庫新舊熱門劇集都有，而且最近仲上架咗唔少粵語配音版嘅韓劇。
動畫方面個量冇韓劇咁多，但係經典作品《男兒當入樽》《Hunter x Hunter》《鋼之鍊金術師》全部都有，而每季都有幾套新番，所以唔止得舊嘢睇。
↓撳個廣告可以支持大兄台繼續寫作↓
ViuTV – 夠多本地創作
成日畀人撈亂Viu同ViuTV，最易分一定係顏色，電視99台就係藍色！ViuTV除咗可以喺電視度睇，亦都可以喺網頁、手機應用程式、Android TV、Apple TV等平台收睇。藍Viu嘅內容以自家製作居多，由劇集、綜藝，到資訊性節目都可以翻睇，十分方便。
早前曾經因為貼近時事同現實嘅《教束》、杜文澤嘅搞笑旅遊節目《走佬去馬拉》，全部有得睇！而ViuTV嘅資訊節目《經緯線》都十分值得大家睇，每集探討唔同嘅生活時事議題！
網上內容咁多 仲點解要睇三色台
除咗上面介紹嘅平台之外，其實仲有好多地方畀大家拉到啱自己睇嘅影片，「YouTube」「HBO Go」「Now E」「NOW TV」，當中有收費同免費嘅平台，以後唔畀CCTVB禍害香港全靠大家，當然我哋都唔應該上啲翻版網度睇片啦~
