7月29日新鮮上架嘅新手機遊戲「守望傳說Guardian Tales」玩法簡單，只要控制左手嘅上下左右移動，右手作出動作/攻擊，就可以控制角色探素每一個關卡。遊戲畫風類似「元氣騎士」嘅像素風格，但係加入咗解謎同故事，玩法更加新鮮有趣。以平時十分鐘就Del Game嘅Raven，玩咗一日都未有Del Game嘅諗法，即刻睇吓隻Game嘅介紹：
守望傳說Guardian Tales 遊戲介紹
創角可選男角/女角，但係日文配音嚟計，女角把聲仲低沉過男角。
揀完角色，仲有性格可以揀，不過未知遊戲入面實際有咩影響。
遊戲語音有日文同英文揀，玩像素風遊戲好自然想揀番日文。
操控方法都清楚易明，左手移動、右手攻擊，食雞都係咁樣操作啦，唔難。
咁每一個關卡都係一個個迷宮咁，玩家遇到怪物戰鬥時除咗攻擊，仲有技能，仲可以跑/跳。
遊戲一大特色每個關卡入面有唔少解謎元素，玩家需要同周圍物件/機關互動，用嚟打開新道路，或者獲得道具咁。圖入面就需要玩家拎起放喺地下嘅盤，行近左面個火把，之後就可以點著火盤，之後需要行近右邊兩個本身未燒著嘅機關，著咗火之後，右邊嘅巨牆就會消失。
而遊戲主介面十分整潔，暫時仲係得一個角色所以佢好孤獨咁一個人圍爐。相信之後角色多啲，多啲人圍嘅畫面會好睇好多。
入到冒險地圖入面，主線任務就可以喺一大個地圖咁揀番關卡，左面有唔同嘅系統，都係要玩到指定關卡/等級先會開啟到。
講到角色，呢個遊戲嘅角色培養都係換裝備、強化裝備角色、升星咁，但係角色可以著上唔同嘅時裝，都幾得意。加上遊戲劇情入面，角色都有唔同表情，都惡搞得意。
其他遊戲系統
遊戲啱啱上架，當然有唔同嘅登入活動啦。
手機遊戲就梗係有課金商店啦，咁都分晒類，要資源有資源，要裝備有裝備。
當然都有類似VIP系統嘅通行證系統，無課玩家就只可以拎左面嘅獎勵，有課金買通行證就可以拎埋右面嘅獎勵，就係咁簡單。
