DJI 0024 01
DCIM/100MEDIA/DJI_0024.JPG

周末行山好去處 – 馬鞍山昂平平原

早排Raven同女朋友就去左馬鞍山昂平平原,可惜天氣唔好,望向西貢都畀薄薄一層霧遮蓋住。不過點樣行上去昂平平原,先係今次最想同大家分享嘅重點。(打開啲圖跟住行就得)(最後有附上手繪google map畀大家心領神會一下)

↓撳個廣告可以支持大兄台繼續寫作↓

出發方法有兩種 整體感受可以好唔同

網上有唔同媒體分享嘅路線,但佢哋多數都會教大家喺馬鞍山鐵路站坐shuttle bus到馬鞍山郊野公園燒烤場,然後行上昂平平原,咁實際要行嘅路程就會短好多,時間都大概1.5小時就行得到。不過今次Raven想同大家分享嘅,係真係畀一班有心行吓、郁動吓嘅人,你哋可以坐巴士到耀安邨/坐港鐵到恆安站,然後到下面圖中嘅地方開始上山。

雙倍路程 體力容易不繼

由上山路段開始,一路都係keep住上斜路,而且因為假日有唔少人揸車上山,所以仲會不時要避開前後嘅車輛,大家切記小心唯上!大概2小時,大家就可以由山下行到上燒烤場,咁大家都可以喺呢度休息一陣,亦可以到廁所洗洗面,仲有汽水機補充水源。跟住嘅路線,就同網上教學一樣。

居高臨下 遠眺西貢風光

行到上昂平平原,真係少啲體力都唔得,不過昂平平原望出去嘅景色真係唔錯,亦都有唔少人由呢度繼續落山往西貢方向走。Raven同女朋友當日上到嚟,天氣唔算好好,個天白矇矇一片,但係望去西貢都仲算清晰,加上可以見到180度海景,所以就算行到身水身汗都值得嘅。

大家可以跟住下面的地圖大概的指示走,在A或B處上山都可,找到C便能上到昂平平原。

Capture 2

↓撳個廣告可以支持大兄台繼續寫作↓